Misálit lagt fram móti Rigmor

Andstøðuflokkarnir siga seg ikki hava álit á, at játtaðir pengar vera brúktir til endamálið, so leingi sum landsstýriskvinnan ikki vil taka politiska ábyrgd. 

"Síðani málið um óheimilaðu meirnýtsluna kom fram alment, hevur landsstýrismaðurin ferð aftan á ferð sagt ábyrgdina frá sær, hóast hon gekk á odda, tá skúlin varð tikin í nýtslu í summar. Løgmaður, ið hevur eftirlit við landsstýrismonnunum sambært § 33, stk. 2 í Stýriskipanarlógini, vil kortini ikki staðfesta ábyrgdina av meirnýtsluni. Hann letur bara standa til. Pengar eru brúktir í heimildarloysi. Hetta er ólógligt. Løgmaður eigur at røkja sína eftirlitsskyldu, men tað ger hann ikki. Løgmaður hevur í miðlunum víst til Landsverk, ið hevur givið arkitektunum skyldina. Í dag er stjórin í Landsverki loystur úr starvi, fyri at løgmaður skal sleppa undan at taka politiska ábyrgd. Hetta er at rætta bakara fyri smið, sum løgmaður so væl segði í fjølmiðlunum." stendur m.a. í misálitisuppskotinum, sum kann lesast niðanfyri. 

Atkvøðast skal um misálitið seinni í kvøld, tá fíggjarlógarviðgerðin er liðug. Tað fer væntast at verða umleið kl 22. 

Verður dagført.

Misálitið kann lesast her