Fólkatingið samtykt at seta nevnd um Arktis

Fólkatingið samtykti endaliga í gjár at seta eina nevnd at vera við í politiska samstarvinum um Aktis, norðurpólsleiðina.

Eingin atkvøddi í móti uppskotinum til samtyktar.

Eftir broytingaruppskoti frá Sosialdemokratunum vera 14 fólkatingsfólk og ikki 12 í nevndini.

Flokkurin helt, at tá fýra sessir eru markaðir fólkatingsfólkunum úr Føroyum og Grønlandi, eru bara átta eftir til hini í fólkatinginum. Og tað er ov lítið, helt flokkurin. Og tí tók fólkatingið undir við.

Yvirskipaða endamálið við nevndini er at styrkja arbeiðið hjá fólkatinginum um Arktis. 

Tey 14 fólkini í  nevndini verða ikki vald fyrr enn eftir fólkatingsvalið næsta ár.