Eimskip hevur skrásett bingjuskipini í Føroyum

Íslendska skipafelagið Eimskip hevur flutt bingjuskipini Goðafoss, Detti­foss, Lag­ar­foss og Sel­foss í FAS, føroysku altjóða skipaskránna.

Tey vórðu áður skrásett í St.John á oynni Antigua í Karibiahavinum.

Dótturfelagið, Faroeship í Føroyum, er skrásett at eiga tey fýra bingjuskipini, sambært upplýsingum frá Eimskipi.

Felagið sigur, at skipaskrásetingin í Íslandi kann ikki kappast við ta í Føroyum. Tí eru skipini skrásett í Føroyum. 

Sambært Teyggjuni eiga smápartafeløg, sum eita tað sama sum skipini og við orðinum Line aftanfyri skipsnavnið, tey fýra bingjuskipini.

Eitt annað útlendskt farmaskip, Northern Ocean, sum varð skrásett í FAS og hevði heimstað í Nólsoy, er selt til Danmarkar og farið úr FAS.