Andstøðuformenninir ikki á einum máli um røðuna

Reyði tráðurin í røðuni hjá Akseli V. Johannesen, løgmanni, gamlaárskvøld, var, at síggja tað góða í stóru myndini. Jørgen Niclasen, formaður í Fólkaflokkinum, metir røðuna hjá løgmanni millum annað vera ein kritikk av fjølmiðlunum, tí teir ikki eru nóg positivir í sínum tíðindaflutningi.

Bárður á Steig Nielsen, formaðurin í Sambandsflokkinum, eftirlýsir, at løgmaður í røðuni hyggur frameftir.

Jógvan Skorheim, formaður í Sjálvsstýri, finst at politiska partinum í røðuni og Jenis av Rana, formaður í Miðflokkinum, heldur, at løgmaður gloymir tey, sum ikki hava tað gott.