Aftur rok á Flemish Cap í ár

Føroysku frystilínuskipini hava rokfiskiskap á Flemish Cap.

Toskafiskiskapurin er sum í fjør sera góður.

Skipini fóru at fiska 10. januar, og tey fáa úr 25 tonsum upp í 30 tons um dagin.

Fýra føroysk skip eru á Flemish Cap: Klakkur, Kambur, Stapin og Eivind. Ågot fer yvir seinni.

Føroyska toskakvotan á Flemish Kap er 3.911 tons í ár. 

2.635 tons eru felagskvota, og 1.276 tons skulu seljast á uppboði.

Kunngerðin um uppboðssøluna er á veg, sigur Fiskimálaráðið.

Føroyar eiga eisini 211 tons av svartkalva og 69 tons av kongafiski á Flemish Cap.

Tey tonsini sleppur trolarin Ran at fiska. Hann fór í gjárkvøldið.