Hallur frá Kannabis-átakinum: Nú byrjar valstríðið

14.02.2019 - 15:30

Innlendis›Politikkur

Seinnapartin lótu stigtakararnir til átakið fyri rættinum at velja kannabis sínar undirskriftir til Innlendismálaráðið

Brynhild Thomsen

0 seconds of 0 secondsVolume 90%

00:00

Hjalmar Zachariassen stillar upp - ikki fyri Føroyaflokkin, men fyri Kannabis-átakið. Arnfinn á Birtuni er eisini stigtakari til átakið

Mynd: Ragnar A. Jacobsen

– Hetta er ein stórur lætti.

Tað sigur Hallur H. Djurhuus, ein av stigtakarunum til átakið fyri rættinum at velja kannabis, sum seinnapartin handaði Innlendismálaráðnum neyðugu undirskriftirnar, sum skulu til fyri at stilla upp til valið.

– Vit eru klár. Vit hava ein einfaldan boðskap: Vit vilja hava kannabis út til sjúklingar og í longdini at avkriminalisera, avregulera og legalisera, sigur hann.

Hjalmar Zachariassen, sum herfyri gavst við royndunum at fáa skipað nýggja Føroyaflokkin til komandi val, verður valevni hjá Kannabis-átakinum.

Ragnar A. Jacobsen tosaði seinnapartin við Hall H. Djurhuus.