Granska medisinskt kannabis

Greið lóggáva er neyðug fyri góðskuna og trygdina, sigur parlamentið, og fokus eigur at verða á trygdina hjá ungum brúkarum og kvinnum, sum eru við barn.

Parlamentið mælir eisini til at seta av pening til at granska í medisinskum kannabis.

Felags ES-reglur skulu eisini forða misbrúki, steðga  handli á svartabørsi og yvirhøvur forða ungum í at gerast bundin av kannabis. 

Heitt verður nú á ES-nevndina og limalondini um at fáa lógir og reglur, og taka burtur mentanaliga-treytaðar forðing fyri at brúka og granska medisinskt kannabis.

Í samtyktini stendur eisini, at sjúkratyggingin skal rinda, tá talan er um effektivan kannabis-heilivág.

ES-parlamentið sigur, at prógv eru fyri, at kannabis kann bøta um eitt nú matarlystin hjá HIV og AIDS-sjúklingum og linna sjúkueyðkenni - eitt nú psykosu, Tourettes-syndrom, epilepsi, liðagikt, astma, krabbamein og Crohns-sjúk.