Minni enn ein kilometur eftir at bora

Nú er minni enn ein kilometur eftir at bora av Eysturoyartunlinum, og væntandi verður komið í gjøgnum um hálvan mai.

Tað upplýsir stjórin í tunnilsfelagnum, Teitur Samuelsen.

Millum Hvítanes og rundkoyringina eru 997 metrar eftir at bora, og millum rundkoyringina og Rókina eru 406 metrar eftir.

Sambært sáttmálanum verður koyrandi í Eysturoyartunlinum í 2020, og í løtuni heldur tíðarætlanin, sigur Teitur Samuelsen.