Kommunan steðgar á

Sunda kommuna hevur fyribils steðgað arbeiðinum við at gera wc, parkeringspláss, skelti, gøtur og annað í Saksun.

Fólk í Saksun sendu herfyri kommununi mótmælisskriv um ætlaninar, og tað hevur fingið kommununa at steðga á við ætlanunum.

Trivnaðarnevndin í Sunda kommunu hevur viðgjørt málið. Kommunan fer at steðga arbeiðinum fyribils, og fer at kalla borgarar í Saksun til fundar um málið.

Kommunan vil framhaldandi í samsvari við samtykta ferðavinnupolitikkin skipa ferðavinnuna í Saksunar bygd, men fer at brúka tíð til at fyrireika raðfestingarnar nærri, stendur á heimasíðuni hjá Sunda kommunu.