Etiopiskur herleiðari tikin av døgum

Ein oddamaður í etiopiska herinum, Seare Mekonnen generalur, er skotin til deyða í høvuðsstaðnum, Addis Ababa, skrivar BBC, sum endurgevur almennar etiopiskar miðlar.

Ófriður er í landinum, og generalurin varð skotin, tá hann var í ferð við at forða eini kvettroynd, sigur landsins forsætisráðharri, Abiy Ahmed.

Kvettroyndin hevði til endamáls at koppa myndugleikunum í einum landsparti norðanfyri, sum eitur Amhara, har lokali guvernørurin varð dripin, eins og fleiri onnur embætisfólk.

Amerikanska uttanríkisráðið hevur givið sínum starvsfólki í Addis Ababa boð um at halda seg innandura, tí skot vóru at hoyra í høvuðsstaðnum í gjár.