Bergtórur skipaður í embætið

Uni Næs, dómpróstur, skipar við gudstænastuna í Hoyvíkar kirkju í dag klokkan 11 Bergtór Hjelm Bjarkhamar í embætið sum nýggjan sóknarprest í Suðurstreymoyar norðara prestagjaldi.

Nú eru tveir prestar í prestagjaldinum. Theodor Eli Dam Olsen hevur verið sóknarprestur í prestagjaldinum síðani 2014.

Í Suðurstreymoyar norðara prestagjaldi eru Hoyvík, Hvítanes, Sund, Kaldbaksbotnur og Kaldbak.

Bergtórur Hjelm Bjarkhamar hevur frammanundan verið sóknarprestur í Norðstreymoyar prestagjaldi í átta ár.