- Tíðindi, mentan og ítróttur
Nón
Skal almenna rúmið listprýðast við religiøsum symbolum? Er tað lagi at seta ein 17 metrar høgan, marglittan lýsandi kross, sum sæst í allar ættir, út í náttúruna? Og kann ein krossur vera list?
Kinna Poulsen, listaummælari, sum undirvísir í list á Glasi, og Poul Guttesen, phd. og lektari í religión, skifta orð um 17 metrar høga krossin, sum ætlanin er at seta upp á Høganesi.
- Tá ið hoyrdi tað, mátti eg líka kekka dato á telefonini, tí eg helt tað vera fyrsti apríl; so ógvusligt helt eg, tað ljóðaði, sigur Kinna Poulsen.
- Eg byrjaði við at hugsa JA, men tað var kanska áðrenn, eg visti hann var seytjan metrar høgur, sigur Poul Guttesen.
Størst týdning halda tey vera kjakið, sum krossurin førir til. Hoyr tey bæði viðgera høga krossin á Høganesi, tey grundgeva bæði fyri og ímóti, men bæði eru samd um, at hetta má viðgerast væl og virðiliga.