- Tíðindi, mentan og ítróttur
Nón
Nógv kenna helst gamla gula ikoniska smiðjubygningin í Saltangará. Bygningurin hýsti í nógv ár smiðjuvirksemi, men um nakrar mánaðir letur Gula Smiðja upp sum ungdóms- og virkishús.
Vit tosa við Torbjørn Jacobsen, borgarstjóra í Runavíkar kommunu um verkætlanina og fara ein rundtúr í bygninginum saman við Sølva Reinert Hansen, mentanarleiðara í kommununi.
Í morgin verður forvitnislig konsert og frumframførsla í Norðurlandahusinum.
Tað er Birita Poulsen Trio, sum fer á pall millum annað at frumframføra nýggja verkið "Kærleiki" eftir Sunleifi Rasmussen.
Verkið er til sopran, klaver og klarinett pg verkið er bygt upp soleiðis, at til kompositiónir eru skrivaðar til sjey yrkingar eftir Oddfríða Marner Rasmussen, rithøvunda. Yrkingarnar eru úr savninum "Innantannaskríggj" sum Oddfríður lat úr hondum í 1995.
Vit tosa við Biritu Poulsen, Zilvinas Brasauskas, Matteo Gobbini og Sunleif Rasmussen um konsertina, yrkingarnar og tónleikin.