Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, og hóskvøld og leygarkvøld og sunnumorgnar.

19., 20. og 21 partur.
Gongustjørnan hjá Bubbli Gobbi.
Lítli prinsur og Revur koma til eina gongustjørnu, har fólk uppfinna øll møgulig tól. Men trupulleikin er, at alt verður blakað í havið, tá tað er brúk, so havið er sera illa dálkað. Tann stóri uppfinnari, sum øll hava álit á, og sum skal loysa trupulleikan, er ikki at finna.

Lotta fyllir 5 ár. Hon ynskir sær eina súkklu í føðingardagsgávu. Men foreldrini halda, hon kann hava ta tríhjulaðu í eitt ár afturat. Men Lotta heldur fast við sítt, at hon má hava nýggja, so nú verður spennandi at vita, hvat verður í pakkanum!

Í sendingini hitta vit fitta vinin Vinus, sum dugir væl at finna uppá og siga frá. Inni hjá Vinusi er hugnaligt, veggirnir eru litfagrir, og hann eigur nógvar bamsur og nógv leiku at spæla við. Og góðar bøkur.
Í eini holu undir hillini býr Vimús. Vinus og Vimús eru vinir, hóast Vimús er ein mús. Alt sum Vinus eigur og finnur uppá, tað eigur Vimús eisini, ella næstan sama slag.

Hvørja ferð finna Vinus og Vimús upp á okkurt nýtt at vísa øllum. Sumt er torført at gera, sumt er torført at finna, og sumt er nokkso torført at siga. Alla tíðina ber til at læra seg at siga øll orðini, hóast tey eru torfør.

Vertir: Vinus: Rasmus Vigant Samuelsen.
Vimús: Páll Danielsen.

Lítli prinsur og Revur koma til eina gongustjørnu, sum er skapað sum ein terningur, og sum melur runt. Fólkið noyðist at ganga og ganga fyri ikki at detta útav! Kann Lítli prinsur hjálpa teimum at finna út av, hvør veruliga hevur ábyrgdina av hesi endaleysu gonguferð?

- Føroysku feløgini blivu brúkt til at sleppa undan skatti í Namibia, sigur Jóhannes Stéfansson, sum var stjóri fyri Samherja í Namibia, og sum er blivin heimskendur sum varskógvari í gøluni, sum løgreglur í fleiri londum nú kannar.
Í sendingini verður farið aftur um stóru mutursgøluna hjá Samherja í Namibia og um søguna hjá Samherja í Føroyum.

Lagt til rættis: Jan Lamhauge saman við Barbaru Holm, Una Holm Johannesen, Jógvan Eli Dam og Georg L. Petersen.
Sendingin er gjørd við stuðli frá IJ4EU

Seinasta sending í røðini um byggilist er um Norðurlandahúsið í Føroyum. Norðurlandahúsið hevur eitthvørt yvir sær, sum ger, at flest fólk kenna seg væl í tí. Sjálvt um húsið hálvavegna er niðurgrivið, er tað opið og fult av luft. Glasveggir frá loft til gólv geva eina kenslu av frælsi og útsýni. Steingólvið og træveggirnir eru sniðgivnir og viðgjørdir, sum um talan var um eitt ljóðføri. Norðurlandahúsið kann nýtast til alskyns virksemi og broytist eftir einari løtu. Um kvøldið sýnist húsið hamskift og lokkar fólk til sín og inn í álvaheyggin.
Lagt til rættis: Eyðun Eliasen.

Óttin fyri ókenda virusinum í fjareystri, sum kundi menna seg til eina alheims farsótt, gjørdi, at nøkur klók høvd í Føroyum av sínum eintingum brynjaðu føroyska samfelagið móti komandi sóttini.
Uppgávan eydnaðist, tí at vit valdu at halda fast og trúgva uppá egna vitan.

Lagt til rættis:
Kenneth Jørgensen og John Johannessen

Tá Føroyar á sumri 1988 loksins fáa FIFA-limaskapin váttaðan, er eitt fimtan ára langt stríð vunnið. Men nú kyknar upp annað innanhýsis stríð um limaskapin. Brátt sæst, at verri enn so øll halda, at Føroyar skulu fara upp í altjóða fótbólt. Meirilutin tykist at halda, at vit eiga fyri fyrst at vera hvílandi limir. Eingin føroyskur venjari er heldur fúsur at stjórna landsliðnum í einari EM-kapping. Men ein íslendingur er til dystin fús. Sama eru spælararnir. Byrjanin við nýggjum venjara er góð, og sannførandi avrikið á oyggjaleikunum í Føroyum á sumri 1989 gevur mongum áræði at seta sær hægri mál. Men tá UEFA á heysti 1989 sendir FSF innbjóðing til EM-undankappingina, mælir aðalfundurin starvsnevndini til ikki at taka av. Men starvsnevndin gongur ímóti tilmælinum frá aðalfundinum, og meldar Føroyar upp í EM-undankappingina fyri A-landslið. Summi øtast og geva ilt av sær, og skíra avgerðina at vera skammleysa hugmóð. Nú byrja drúgvu fyrireikingarnar hjá Páll Guðlaugsson, venjara, og hansara spælarum til møtimiklu avbjóðingina um heystið 1990, tá tveir teir fyrstu dystirnir í undankappingini skulu spælast - móti Eysturríki í Landskrona 12. september, og 10. oktober í Ítróttarparkini í Keypmannahavn móti Danmark.

Lagt til rættis: Suni Merkistein
Fotografur og klippari: Jónfinn Stenberg

Martin Schibbye og Johan Persson (Gustaf Skarsgård, Matias Varela), tveir svenskir journalistar, fara um markið millum Somalia og Etiopia. Teir ætla at kanna, hvussu jagstranin eftir olju rakar íbúgvararnar. Fimm dagar seinni verða teir raktir av skotum í oyðimørkini. Síðani halda marrulíknandi tilburðirnir fram.
Filmurin byggir á veruliga hending.
Leikarar: Martin Schibbye: Gustaf Skarsgård, Johan Persson: Matias Varela og Linnéa Schibbye: Josefin Neldén. Carl Bildt: Philip Zandén. Abdullahi Hussein: Faysal Ahmed. Steven Irving: Stephen Jennings. Leikrit: Peter Birro eftir skaldsøgu hjá Martin Schibbye og Johan Perssons.
Leikstjórn: Jesper Ganslandt.
Framl.ár: 2018.
Framl.: Miso Film.
Aldursmark: 15 ár.