Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Mouk og L fyri lomb.
"Snipp snapp" er hvørt mikukvøld, hóskvøld og um vikuskiftið.

Tannáringurin Greg er eitt sindur nørdutur og yvirlivir í skúlanum við at gera lítið burtur úr sær - og ikki fáa ov nógvar óvinir. Í frítíðini ger hann parodiir til klassiskar filmar saman við vinmanninum Earl. Tá Rachel, ein genta í skúlanum, fær staðfest krabbamein, biður mamma hansara hann vitja hana, tí hon hevur brúk fyri stuðli. Móti sínum vilja vitjar Greg Rachel, og tað verður byrjanin til eitt sterkt vinalag.
Leikarar: Greg: Thomas Mann, Earl: RJ Cyler og Rachel: Olivia Cooke. Við eru eisini: Pápi Greg: Nick Offerman. Mamma Greg: Connie Britton. Denise: Molly Shannon. Hr. McCarthy: Jon Bernthal. Madison: Katherine C. Hughes. Scott Mayhew: Matt Bennett. Handrit: Jesse Andrews eftir egnu bók síni. Leikstj.: Alfonso Gomez-Rejon.
Framl. ár: 2015

Hjúnini Phil og Claire Foster (Steve Carell, Tina Fey) keða seg í tí tómliga gerandisdegnum, og í royndini at fáa nýggjan spenning og romantikk inn í lívið, bjóðar Phil konuni út til nakað heilt serligt - og tað verður eitt ævintýr av teimum stóru!
Leikarar: Phil Foster: Steve Carell, Claire Foster: Tina Fey og Holbrooke Grant: Mark Wahlberg.
Taste´ Tripplehorn: James Franco. ´Whippit´ Tripplehorn: Mila Kunis. Joe Miletto: Ray Liotta. Frank Crenshaw: William Fichtner.
Kriminalløgreglumaður Arroyo: Taraji P. Henson.
Handrit: John Klausner.
Leikstj.: Shawn Levy.
Upprunah.: Date Night
Framl. ár: 2010

Berlin, 1940. Tá ið Otto og Anna Quangel (Brendan Gleeson og Emma Thompson), úr týska arbeiðaraklassanum, fáa bræv um, at sonur teirra hevur fingið ein heiðurligan deyða í stríðnum fyri fosturlandið, fer lív teirra í sor. Nú er ovboðið, hetta er dropin, ið fær bikarið at flóta yvir. Tey fara stillisliga til verka at stríðast móti nasismuni. Otto skrivar kort, har hann ákærir nasismuna og Hitler. Kortini seta tey í loynd ymsastaðni á almennum støðum. Løgreglan kemur upp í leikin, og Escherich (Daniel Brühl) politikommiserur fær boð frá Prall (Mikael Persbrandt) SS heryvirmanni, um at finna tey seku alt fyri eitt!

Filmurin byggir á veruliga hending.

Leikarar: Anna Quangel: Emma Thompson, SS Officer. Prall: Mikael Persbrandt og Escherich: Daniel Brühl.
Umfram tey leika: Otto Quangel: Brendan Gleeson. Hans Quangel: Louis Hofmann. Claire Gehrich: Katharina Schüttler. Dietrich Necker: Jacob Matschenz.
Leikrit: Achim von Borries, Vincent Perez og Bettine von Borries eftir skaldsøgu hjá Hans Fallada.
Leikstjórn: Vincent Perez.
Upprunaheiti: Alone in Berlin
Framl.ár: 2016
Óhóskandi fyri børn.