Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Mouk og Uki.
"Snipp snapp" er hvørt mikukvøld, hóskvøld og um vikuskiftið.

"Sært tú meg?? er nýggja ungdómsheimildarrøðin hjá Kringvarpi Føroya. Í eini roynd at seta orð á kenslurnar, seta vit fýra fremmand ung saman. Í royndini eru fýra stólar. Ein er reyður, og tað er har frásøgufólkið ella tann, ið sigur sínar hugsanir, situr. Spyrjararnir sita í hinum trimum stólunum. Í øðrum parti hitta vit tey fýra Jóhan, Páll, Rakul Ró & Vár. Kunnu tey leggja meiningarnar hjá øðrum á hillina og tosa beint frá hjartanum?

Lagt til rættis hava: Anna Joensen-Næs & Maria Winther Olsen.

Næstan níggju ár eftir at Maria doyði í 2012, byrjar rættarmálið móti fyrrverandi unnustanum Jógvani, sum noktar at hava dripið ta 16 ára gomlu gentuna. Tó er eitt vitni, sum sigur: Í eini samtalu, hevur Jógvan avdúkað eina heilt aðra hendingargongd, enn hann higartil hevur sagt. Men er tað nóg mikið at sannføra rættin um, at Jógvan er drápsmaður?
Sesong: 2021
Partur:5.
Framl. ár:2022
Framl.:TV 2 DK

Eydis hevur verið ígjøgnum tað, sum er marran hjá øllum, sum hava verið við barn: Hon misti barnið undir føðingini. Men kundi verið sloppið undan hesum? Fakfólk meta, at í Danmark kundu 10-12 lív verið bjargað um árið, um føðingin hevði verið sett í gongd, heldur enn at lata náttúruna ráða.
Framl. ár: 2021

Peter Ingemann situr á reyðari Puch, og hann fer inn móti miðbýnum, har ælabogafløggini bjóða vælkomin til Copenhagen Pride. Peter hyggur m.a. eisini at hinari síðuni av væl dámda Tivoli, tá rithøvundurin Jesper Wung Sung vísir, hvar kinesiski langabbi sín varð framsýndur fyri 100 árum síðan.
Framl.: Heartland
Framl. fyri: TV 2 DK
Framl. ár: 2020

Í yvir 60 ár hava Terje Falch og familjan í Haugesundi saknað ein persón, fyrstu dóttur Terja, sum hann fekk í Chile í 1958, meðan hann sigldi. Eftir at Terje hevur havt krabbamein og nú nærkast teimum 80, biðja børnini hjá honum Tore um hjálp til at finne systrina og dóttrina Isabell, áðrenn tað er ov seint.
Sesong 10.

50 og hvat so? Nýggj dokumentarrøð fylgir fólki, sum standa við eitt vegamót mitt í lívinum.
Chanell er í stórari kreppu, nú hon hevur fylt 50 og hevur hug at búra seg inni við appilsinhúð og turrum slímhinnum. Ber tað til at halda aldrinum aftur við at ganga í fitness, brúka extensions og spray-tan? 53 ára gamla Blue noktar at lata aldurin avmarka hana. Hon hevur ein unnusta, sum er 18 ár yngri enn hon, og hon litar framvegis hárið blátt og gongur í náttklubb í korsetti og holutum sokkum.
Lagt til rættis: Lisbet Barrett og Vibeke Heide-Jørgensen.