Skrá Sjón

Foreldraleysa gentan Heidi býr hjá abba sínum Alpöhi (Bruno Ganz) á bygd í náttúruvøkru sveisisku alpunum. Hon hevur tað gott hjá honum og stórtrívist í fjøllunum saman við honum og Pæturi vinmanninum. Men ein dagin noyða tey hana at flyta. Fer tað at eydnast henni at koma aftur? Filmurin byggir á kendu barnabókina hjá Johannu Spyr. Bókin er filmsgjørd fleiri ferðir, m.a. í 1937 við Shirley Temple í høvuðsleiklutinum.
Leikarar: Heidi: Anuk Steffen, Dette: Anna Schinz og Alpöhi: Bruno Ganz. Við eru eisini: Barbel: Lilian Naef. Pfarrer: Peter Jecklin. Senner: Christopher Gaugler. Geissenpeterin: Quirin Agrippi. Handrit: Petra Biondina Volpe eftir handrit til bókina eftir Johannu Spyr.
Leikstj.: Alain Gsponer.
Framl.ár: 2015
Aldursmark: 7

Tabita Berglund leiðir KORK í Lemminkäinen eftir Jean Sibelius við søgum úr finska tjóðkvæðinum Kalevala.

Hesa ferð Suma vit Elisabeth og Sofíu.
Tær eru tvíburar, og tær líkjast nógv. Hvussu man tað vera at hava eitt systkin, sum er akkurát líka gamalt sum tú?
Lagt til rættis: Elin á Rógvi og Bjarni Árting Rubeksen.

Náttúran doyr - og tað eiga vit øll at vera bangin um. Sir David Attenborough leggur kalda veruleikan á borðið, tá hann í hesi dokumentarsendingini kannar, hvat tað merkir fyri komandi lív og tilveru hjá okkum menniskjum, ja hvussu vit fara at yvirliva, tí heimsins djór tey seinastu 40 árini eru vorðin 60% færri.
Upprunah.: Extinction: The Facts
Framl. ár: 2019

Sjey fjórðingar uttan fyri Tromsø liggur eitt oyggjaríki við nøkrum hundrað fólkum, og tey liva fyri tað mesta av havinum. Trond Ludvigsen ætlaði at vera skipari, tá hann var ungur, men vánalig hoyrn forðaði tí. Hann er fiskimaður, men framtíðin er óviss. Laila Hansen skal skipa fyri veitslu og finnur gloypubitarnar, har vit minst vænta.
Týtt: Guðrið Rubeksen.

Sanna søgan um systkini Sarayu og Zak (Florence Pugh & Jack Lowden), sum eru uppvaksin í eini familju við stórum áhuga fyri glíming. Systkini hava møguleika at luttaka í tí stóra ´World Wrestling Entertainment,´ men venjarin Hutch (Vince Vaughn) tekur bara Sarayu út. Hon sær skjótt, hvussu krevjandi tað er at arbeiða við glíming - man hon megna avbjóðingina?
Leikarar: Saraya Knight: Florence Pugh, Ricky Knight: Nick Frost og The Rock: Dwayne Johnson. Við eru eisini: Julia Knight: Lena Headey. Zak Knight: Jack Lowden. Hugh: Stephen Merchant. Hannah: Leah Harvey. Handrit og leitkst.: Stephen Merchant.
Framl. ár: 2019
Aldursmark: 11

París, 1931. Pengaskápstjóvurin Henri ´Papillon´ Charrière (Charlie Hunnam) verður hóast ósekur dømdur fyri at hava myrt ein alfons, og verður sendur til eina illa gitna revsilegu á eini oyggj í Fransk Guyana í Suðuramerika. Her verður Papillon vinmaður við peningafalsaran Louis Dega (Rami Malek) og bjóðar sær at verja hann, um Dega afturfyri vil hjálpa honum at flýggja av oynni. Tað einasta, sum heldur mótinum uppi hjá Papillon, er tankin um at flýggja. Man tað fara og eydnast honum at flýggja?
Leikarar: Henri ´Papillon´ Charrière: Charlie Hunnam, Louis Dega: Rami Malek og Celier: Roland Møller. Við eru eisini: Maturette: Joel Basman. Barrot inspektørur: Yorick van Wageningen. Nenette: Eve Hewson. Brioulet: Nick Kent. Handrit: Aaron Guzikowski eftir bøkur hjá Henri Charrière. Leikstj.: Michael Noer.
Framl. ár: 2017
Aldursmark: 15
Filmurin byggir á veruliga hending.