Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Surr og Sig og Uki.
"Snipp snapp" er hvørt mikukvøld, og hóskvøld og leygarkvøld og sunnumorgnar.

Ein nýggj leið.
Eitt heilt fólk er knýtt at lagnuni hjá einum drongi. Í eini ótrúligari forsøguligari verð eru doodjiar á ferð til eitt ókent stað. Við teimum er Enyo, ein 12 ára gamal drongur, sum droymir um at gerast góður veiðumaður. Men lagnan hevur aðrar ætlanir við Enyo: Hann skal vera shamanur og finna vegin til Tann gloymda dalin og bjarga doodjiarum. Í fyrsta parti síggja vit: Fortíðin fær Enyo aftur. Enyo er ein 12 ára gamal foreldraleysur agluludrongur, sum doodjiar funnu og tóku til sín sum sín egna. Verloggurin, sum bjargaði honum, tá hann var pinkalítil, kemur aftur, og Shamani sær, at amulettin, sum Enyo hevur havt alla tíðina, er lykilin til tann undurfagra gloymda dalin. Verloggurin hjálpir Enyo at bjarga nýggja fólki sínum undan Quag Naga og gevur Enyo eina gávu, sum vekir viðføddu gávur hansara at síggja og tosa við andarnar. Shamani er sannførdur um, at lagnan fer at leiða doodjiar til Tann gloymda dalin.

So er Spískamarið aftur á ferð! Og hesaferð snýr tað seg um føroyska landbúnaðin.
Í fýra sendingum vitjar Spískamarið bø og garðar kring Føroyar og kannar, hvussu alt byrjaði, hvussu tað gongur í dag, og hvussu framtíðin kann síggja út?

Fyrsti partur: ?Kúgvin? snýr seg um, hvussu týdningarmikil kúgvin var fyri Føroya fólk upp gjøgnum tíðirnar. Gutti vitjar Sigert á Vatnaskørðum, har slakta tey eina kúgv, sum hevur tænt fyri seg. Síðani fer Gutti at gera ost á mjólkarvirkinum, vitja eitt sera matligt tjald á Bacalao og hann endar ferðina við at borðreiða fyrsta floks osso buco og tatar í Kirkjubø.

Sendingarnar eru upptiknar í 2020-21 undir koronutíðini. Nógv er hent síðani tá, og tí kann tað koma fyri, at summi fólk ikki gera tað sama í dag, sum tey gera í sendingunum.

Hinvegin er matgleðin enn tað sama, sum hon altíð hevur verið - Sonn matgleði!

Summar er á Kastanjugarði, og Frank roynir seg við einum nýggjum máta at heysta morberjatrøini. Besti mátin at pussa veggir er at kasta mørtilin á, men tað dálkar og ger, at hundurin Kaysa mest líkist einum dalmatinara.

Eitt starvsfólk á røktarheiminum Nørremarken í Køge hevur fleiri ferðir roynt at gjørt leiðsluna varuga við, at veikastu búfólkini eru fyri vansorgan, men onki er hent. TV 2 avdúkar við fjaldum myndatóli alt frá vansorgan til harðan tóna - og eina valdsnýtslu, sum ein serkøn/ur kallar harðskap.
Framl.ár: 2022
Framl.: TV 2 DANMARK

Arkitekturin Josefina Nordmark úr Luleå dugir væl at tekna hús, sum tola ringar vetrar og nógvan kava. Hon hugsar í longum perspektivi og haldføri. Við varsemi setir hon trivna í miðdepilin, tá hon teknar bústaðir til onnur, og hon fær íblástur úr furuskóginum, tá hon velur litir og tilfar.

"Guðsonurin, sum hvarv - fyrri partur". Marie Louise Lindblom og Ulf Eriksson fáa aldri barn sjálvi. Tá tey eru deyð, vilja tey geva guðsoninum eina millión krónur. Men hvar er hann? Kattis Ahlström og Niklas Källner byrja at leita í tí lítla býnum Blacksta og halda fram í Meksiko City.