Skrá Sjón

Lotta skal til tannlækna. Hon tímir øgiliga illa, men tað sær út at gangast væl kortini ? ella ger tað nú tað?

Spurnarkapping í sjónvarpinum har tvey lið kappast um Hvør veit best. Liðini eru mannað við skiftandi fólki, sum svara spurningum um land okkara.
Lagt til rættis og dómari: Kári Sólstein.
Vertur: Tróndur Vatnhamar.
Hesa ferð kappast: Blátt lið: Katrin Petersen og Eir í Ólavstovu - Gult lið: Torbjørn Jacobsen og Bill Justinussen.

12. septembur í 2021: Henda dagin vórðu 1500 springarar dripnir í Skálabotni. Nógvir útlendingar vóru í øðini: Hetta drápið má halda uppat!
Í Føroyum stóðst eisini kjak um hetta. Høvuðsspurningurin er: Er hetta framvegis tað vert?
Lagt til rættis: Martijn Kramer & Jitse De Graaf.

Olaf Haldansen hevur gjørt næstan 400 trappur í sínum 91 ára gamla lívi.
Í summar bað timburmaðurin Kristen Johansen hann um at hjálpa sær við at gera eina trappu afturat.
Hesin dokumentarurin fylgir tilgongdini, frá at trappan verður smíðað á verkstaðnum í Vestmanna, til hon verður sett upp í húsunum í Leynum.

Lagt til rættis: Finnur Koba.

Vælkomin til eyðmjúka, einfalda og ærliga heimildarfilmin, Staran í stovuni. Filmurin varir 35 minuttir, umleið tað sama sum ein undirvísingartími. Filmurin er gjørdur til at læra eitthvørt um lívið, kærleikan og vónina.

Síðan landnám fyri meiri enn 1.000 árum síðan hava fólk búð í Føroyum uttan slit. Í filminum greiðir Jógvan Højsted í Funningi frá, hvat tilveruligt innihald hetta lívið hevur - og hví vit skulu tíma at vera til.

Lagt til rættis: Høgni Mohr
Klipping: Eyðun Müller Thomsen
Tónleikur: Líggjas Olsen
Ljóð: Finnur Hansen

Í 1977 ferðaðist Egil Bakka í Føroyum og gjørdi filmsupptøkur av føroyskum dansi og dansispølum. Vit síggja hansara upptøkur við Dansifelagnum í Havn og vit hoyra Andreu Árting, Gunnar Mikkelsen og Johild og Wentzel Kamban siga frá um dans í Havnini.