Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Mouk og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Nám hevur gjørt tríggjar stuttfilmar um Holocaust, har føroyingar siga frá. Tóra við Keldu sigur frá um tey, sum bera brek, og tí vórðu fyribeind í Nasitýsklandi undir krígnum. Í dag kundi tað verið eg, sigur Tóra.

Foytar Greyðir er ein matsending har Tróndur Vatnhamar og Kári Sólstein gera mat burtur úr føroyskum kókibókum. Umframt at halda til í køkinum, har teir kóka, steikja og baka, so ferðast teir eisini runt landið og gera mat saman við ymiskum fólkum. Ein løtt og undirhaldandi matsending.

Í hesum partinum royna Tróndur og Kári saltgrindafrikadellir, livur í brúnari sós, stokt ræst kjøt við rómaeplum, prinsessukaku, rabarbusuppu og eina klassiska brúnakøku.

Vertir eru Tróndur Vatnhamar og Kári Sólstein. Jónfinn Stenberg hevur tikið upp og sett saman.

Í sambandi við altjóða holocaustdagin, sum er í morgin 27. januar, hevur Nám gjørt seks stuttfilmar, sum fyrireika næmingin til dagin, sum í ár verður sendur úr Fuglafjarðar skúla. Mariia Shvets Olsen, sum er úr Ukraina, men býr í Føroyum, sigur frá, hvussu søguliga Holodomor ávirkar Ukraina í dag, og hvussu ymiskliga foreldrini eru rakt av krígnum.

Hesturin Solveig skriðar sær móti hegninum hjá Frank, so nú má streymur setast til hegnið.
Tað hevur verið eitt gott epla ár á Kastanjugarðinum, so gott at hønurnar eisini kunnu fáa burturav rúgvuni. Frank vitjar motorsamlingina, hann vil síggja mylnuna, sum hann hevur hjálpt til við at byggja...

Ein íbúð í einum gomlum garði í býnum, eitt umvælt virki og 80ara skrivstovur við nýggjari ætlan.
Á ´grøna´ arkitektalistanum eru bygningar við góðum búð møguleikum.
Broadcast Company NRK.

Í sambandi við altjóða holocaustdagin, sum er í morgin 27. januar, hevur Nám gjørt seks stuttfilmar, sum fyrireika næmingin til dagin, sum í ár verður sendur úr Fuglafjarðar skúla. Georg Lindenskov Petersen, sum er tíðindaleiðari í Kringvarpinum, fortelur, hvussu public service miðilin velur tíðindi úr einum krígsherjaðum landi, og nemur við, hvat kann henda, tá tú fyrilitarleyst hyggur at tíðindum.

Kokkurin Tareq Taylor og heilsukøna Sofia Ståhl hjálpa fimm luttakarum í ymiskum aldri at broyta gerandisdagin. Ber tað til í einans 50 dagar?
Fyrsti mánaður er av. Tareq og Fia skrúva ferðina upp og seta hægri krøv. Luttakararnir fáa sukurskelk, tá teir síggja, at dult sukur er allastaðni. Og Tareq noyðir Micke at taka eina lívsavgerandi avgerð.

Ernst náddi aldri at síggja pápa sín, sum doyði, tá Shellhúsið varð bumbað undir øðrum veraldarbardaga. Men spurningurin er, um foreldrini hava fingið onnur børn, sum kunnu arva Ernst, sum nú er deyður og hevur ikki familju sjálvur. Mette Frisk vertur og Adam Jon Kronegh skjalavørður leita eftir arvingum eftir Ernst.

Í sambandi við altjóða holocaustdagin, sum er í morgin 27. januar, hevur Nám gjørt seks stuttfilmar, sum fyrireika næmingin til dagin, sum í ár verður sendur úr Fuglafjarðar skúla. Aksel V. Johannesen, Føroya løgmaður, greiðir frá, hvat Føroyar kunnu gera, at hjálpa londum í neyð, og um tað er okey at siga, at vit eru smá.