Skrá Sjón

Heimafimleikur við Sofia Åhman.
Rørsluvenjingar.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Flogvøllurin vesturi í Vágunum er lívsæðrin hjá føroyingum út í heim. Her er ein serligur spenningur í luftini. Flogfør koma og fara og taka eitt sindur av umheiminum við sær hendavegin.
Nógv fólk ferðast um flogvøllin, og umleið 5000 flogfør koma og fara um árið, men hetta er eisini arbeiðsplássið hjá nógvum fólkum. Í hesari sending fara vit at fylgja tí dagliga arbeiðinum á flogvøllinum, og vit fáa innlit í eina verð, sum vit vanliga ikki geva okkum far um, tá vit koma og fara um flogvøllin.
Lag til rættis: Jens Jákup Hansen.

Vit eru við programmleiðarunum Emilie Björkman og Martin Falklind og fiska ymsastaðni í Svøríki. Tey hitta fólk, sum stórtrívast við at njóta náttúruna og hava tráðuna við sær.
Emilie Björkman fer hesa ferð til Kengis uttanfyri Pajala, at royna at fáa ein av størstu laksunum har um leiðir á vári. Dreymurin um tann stóra, blanka laksin, fær laksafiskarar at kasta út alt døgnið, tað er nakað serstakt at uppliva Torneälv og síggja sólina seta. Emilie fiskar saman við Lars Munch, vegleiðara, danin, ið forelskaði seg í ánni og varð ein av dugnaligastu laksafiskarum í Svøríki.

Er kettan sjúk ella er hon strongd?
Hesa ferð snýr sendingin seg um sjúkutekini hjá kettum koma av strongd.
Programleiðari: Sofia Rågenklint.
Djóralækni: Oskar Nilsson.

Hvussu vita vit, at eitt kilo er júst eitt kilo?
Fyri at fáa greiðu á hesum er Kristin Olsen, programleiðari, hesa vikuna saman við einum vektaserfrøðingi. Og eini rúgvu av øðrum tingum, sum mann kanska ikki visti.

Katrine og Rasmus ætla at stoypa terrassuna, men er tað gott at halda steðg, tá ið mann arbeiðir við beton?
Maria roynir at byggja eina tiki-barr. Og pápi og dóttir fáa trupulleikar, tá ið tey ætla at smíða eina 70 kvm stóra træterrassu í bara 4 dagar.
Heiti á parti: Terrassan
árg.: 4
Partur: 2
Framl. ár: 2023
Framl.: Strong Productions
Framl. fyri: TV 2 DANMARK

Gert Wingårdh og Anne Lundberg fylgja inspirerandi fólkum, sum gera húsdreymar sínar til veruleika.
Árg. 8.
Linus Fernström spældi ishockey á høgum støði, men varð skaddur í einum dysti og fekk boðini, at hann møguliga ongantíð kundi spæla hockey aftur.
Ístaðin velur Linus at gera nakað hann altíð hevði ynskt at gera, sjálvur at byggja dreymahúsið við besta útsýninum til sín og familjuna. Og Gert Wingårdh er málleysur.

Frá landnámi til FarGen 2.

Í øðrum parti í røðini um Føroyar og støðu okkara í danska ríkinum verða árini eftir Seinna Heimsbardaga og fólkaatkvøðuna í Føroyum í 1946 fram til 1970 tikin til umrøðu.

Hóast nýggi felagsskapurin Sameindu Tjóðir heitir á øll hjálandaveldi um at hjálpa sínum gomlu hjálondum at fáa sjálvstýri, vil Danmark ikki sleppa Føroyum og Grønlandi. Og við grundlógarbroytingini í 1953 ætlaði Danmark at fáa Grønland inn undir seg sum amt.

Trætan Føroya og Danmarkar ímillum eftir kolldømdu fólkaatkvøðuna í 1946 endar tvey ár seinni við nýggju heimastýrislógini, sum gevur Føroyum víðkað sjálvræði innan danska ríkið. Politisku flokkarnir í Føroyum vóru ójavnir á máli um eina nýggja stýrisskipan.

Fólkaflokkurin vrakaði heimastýrislógina, men hinir tríggir, Javnaðarflokkurin, Sambandsflokkurin og Sjálvstýrisflokkurin, góðkenna heldur treyðir uppskotið til nýggjan sáttmála, sum danir leggja fyri føroyingar. Hesaferð sleppur vanligi føroyingurin ikki at taka støðu sjálvur á einari fólkaatkvøðu sum í 1946.

Allir flokkar geva seg kortini sum frá líður undir nýggju skipanina, bæði Fólkaflokkurin, sum ikki vildi vita av henni, og eisini hin nýggi Tjóðveldisflokkurin, sum var stovnaður í mai 1948 sum eitt mótmæli ímóti kolldømdu fólkaatkvøðuni í 1946. Og áðrenn langt um líður kunnu Fólkaflokkurin og Sambandsflokkurin arbeiða saman.

Sum árini ganga, gerast Føroyar alt meira bundnar av donskum pengum. Ríkisveitingin økist, og samfelagið verður stigvíst útbygt. Javnaðarflokkurin við Peturi Mohr Dam, løgmanni, á odda, verður ímyndin av uppbyggingini av føroyska vælferðarsamfelagnum í 60-árunum. Alt tos um sjálvstýri í Føroyum tykist tagnað.

Suni Merkistein og Jógvn Eli Dam leggja til rættis.