Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Melvin er í trongum skóm, nú hann skal skjóta við kanón í eini lítlari jollu til heiðurs fyri Margrethu drotning, tá hon vitjaði í Slagelse og Korsør í summar. Listamaðurin Finn vísir Melvin ta alternativu, royalu frímerkjasamlingina.
Sesong: 4.
Partur: 4.
Framl.ár: 2022
Framl.: Dokumentarkompagniet
Framl. fyri: TV 2 DANMARK

Tá innanduraarkitekturin Alice (Reese Witherspoon) og maðurin verða sundurlisin, flytur hon inn í gomlu húsini hjá pápanum við báðum døtrunum. Vinkonurnar royna at fáa hana í betri lag og biðja hana koma í býin ein túr, og her hittir hon Harry, sum er rættiliga sjarmerandi. Harry og teir tveir vinmenninir eiga ikki oyra, men hava vónir um at kunna gera film, og Alice letur teir flyta inn til sín. Vinmenninir hava góða ávirkan á døturnar, og Harry og Alice fjasast. Men brádliga kemur fyrrverandi maður Alice og vil hava alt gott aftur. Hvat er nú at gera hjá Alice?
Leikarar: Alice Kinney: Reese Witherspoon, Lillian Stewart: Candice Bergen og Austen: Michael Sheen.
Við eru eisini: Teddy: Nat Wolff. Harry: Pico Alexander. George: Jon Rudnitsky. Zoey: Lake Bell. Justin Miller: Reid Scott.
Handrit og leikstj.: Hallie Meyers-Shyer.
Upprunah.: Home Again
Framl. ár: 2017

Filmurin um tann navnframa amerikanska tónleikaran Johnny Cash (Joaquin Phoenix).
Eftir at hava verið í flogvápninum fær hann audition í einum plátustudie, har hann sleppur at syngja og spæla nakrar av sangum sínum. Hann fær sáttmála við plátuframleiðaran, og nú byrjar tónleikakarrieran. Samstundis stríðist hann við sjálvspillandi lyndi, sum hann hevur havt frá barnaárunum. So hittir hann vøkru sangarinnuna June, sum hann verður púra burtur í.
Filmurin er um tann víðagitna sangaran og tónleikaran Johnny Cash, ið eisini er kendur sum ´The Man In Black´. Reese Witherspoon vann bæði ein Oscar og ein Golden Globe fyri leiklut sín sum June Carter í filminum.
Leikarar: Johnny Cash: Joaquin Phoenix, June Carter: Reese Witherspoon og Vivian Cash: Ginnifer Goodwin.
Ray Cash: Robert Patrick. Sam Phillips: Dallas Roberts. Luther Perkins: Dan John Miller. Elvis Presley: Tyler Hilton. Jerry Lee Lewis: Waylon Payne.
Handrit: Gill Dennis og James Mangold eftir bók hjá Johnny Cash.
Leikstjórn: James Mangold.
Upprunaheiti: Walk the Line
Framleiðsluár: 2005

(A Time To Kill)
Tveir rasistar neyðtaka eina tíggju ára gamla svarta gentu. Teir verða handtiknir stutt eftir, men tá teir eru á veg inn í dómhúsið, kemur pápi gentuna við byrsu og drepur teir báðar menninar. Ungi Jake Brigance átekur sær at verja pápan, men nógv skal til at vinna málið, og uttan fyri leiktjøldini lúrir Ku Klux Klan.
Leikarar: Jake Brigance: Matthew McConaughey.
Carl Lee Hailey: Samuel L. Jackson. Ellen Roark: Sandra Bullock. Rufus Buckley: Kevin Spacey.
Freddie Cobb: Kiefer Sutherland. Lucien Wilbanks: Donald Sutherland.
Leikrit: Akiva Goldsman eftir skaldsøgu hjá John Grisham.
Leikstjórn: Joel Schumacher.