Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Kwahgum.
Ito tekur eitt egg frá kwaghum-dýrinum. Tað verður frá sær sjálvum og slúkar Hunga livandi, tá hann roynir at verja fólkið. Odina fer út at bjarga Hunga. Nú Hunga er burtur, leggur Quag Naga ætlanir um at gerast nýggi leiðari hjá doodjiarum.

Vit fara at síggja nógv ymiskt forvitnisligt, okkurt kenna vit aftur, tó alt er nýliga framleitt. Børn í Føroyum greiða frá frítíðarítrivi og áhugamálum. Dagurin í dag er við, eins og Petursa borð. Og so verður ein nýggjur táttur við, tað er - Vísindaroyndin.

Í sjeynda og seinasta parti av Dundurdali royna Anna og Rúna seg sum pedagogar, tí tað ætla tær sær kanska at vera, tá tær verða stórar. Men tað er ikki bara sum at siga tað.

Kongalig diadem glitra, tá nobelveitslur og aðrar fínar veitslur eru - nú er góður møguleiki at hyggja nærri at teimum dýrabaru gimsteinunum. Silvia drotning, Victoria krúnprinsessa og Christina prinsessa siga frá søguni um smúkkurnar sum symbol um vald og kærleika.

Forvitnislig konsert í Norðurlandahúsinum, har føroyskir sangarar tulka sálmar, konsertin var partur av tiltakinum Reformatiónin 500 ár.
Í eini samanrenning av ljósi, ljóði og upplestri tulka ymiskir tónleikarar frítt sálmar úr Sálmabókini.
Ein einføld, men hugvekjandi heildaruppliving, við íblástri úr kirkjuligari liturgi.


Sangarar eru:
Jón Aldará
Greta Svabo Bech
Annika Hoydal
Teitur Lassen
Sissal Grækarisdóttir Magnussen
Niels Midjord


Tónleikarar:
Torleik Mortensen
Andrias Tykjær Restorff
Knút Háberg Eysturstein
Per Ingvald Højgaard Petersen

Ljóð:
Theodor Kapnas
Ljós:
Zacharias Guttesen og John Ivar Venned
Pallseting og upplestur
Annfinnur Heinesen

Seinastu árini hevur Uni Leitisstein Hansen staðið fyri søguligu filmsverkætlanini Føroyskar Søgur. Ein hópur av upptøkum filmaðar í Føroyum, síðan filmsmiðilin varð uppfunnin, eru komnar fram úr goymslunum. Burtur úr arbeiðinum eru higartil komnar tvær filmsfløgur í røðini Føroyskar Søgur. Nú leitar Uni Leitisstein Hansen aftur um nakrar av upptøkunum, tí aftan fyri hvørt einasta filmskut er ein søga.
Ein teirra er um 36 ára gamla Ejner Nyrum, sum tann 6. juni 1944 loypur niður á eina strond í Normandínum í Fraklandi við byrsu í hond, meðan kúlurnar flúgva um oyruni á honum og 150.000 øðrum sameindum hermonnum. Ejner Nyrum, ið er stjórin í Havnar Timburhandli, er endaður mitt í blóðigu, men avgerandi landgongini "Operation Overloard" á D-degnum. Uni Leitisstein Hansen sigur søguna um, hvussu nakrar gamlar filmsrullur brádliga avdúkaðu spennandi søguna um ein mann, ið sjálvboðin valdi at fara frá konu, børnum og einum góðum stjórastarvi í friðarligu Føroyum, fyri at niðurberja Týskland sum partur av bretska herinum. Sendingin er frá mars í ár.

Í 75 ára føðingardagsgávu fekk Margretha drotning ein árstíðarurtagarð til Fredensborg Slotspark á Norðursælandi. Tað er síðsummar 2015, og tey eru farin undir at gera tann nýggja urtagarðin. Tað er Christine Waage Rasmussen, landslagsarkitektur, sum stendur fyri arbeiðinum - í tøttum samstarvi við drotningina.
Partur: 1:4
Sesong: 1
Framl. ár: 2016
Framl.: BytheBuch
Framl. fyri: TV 2 DK

Ole Henriksen ferðast kring Danmark, har hann skal endurfinna landið, hann 19 ára gamal fór frá. Nú er hann heimafturkomin og ætlar sær at búseta seg har. Fyrst steðgar hann á Bornholm. Meistarakokkurin Francis Cardenau lærir hann at sveiggja pískirís í teimum mongu lokalu gourmet-rávørunum. Og so kemur Ole heilt nær bornholmsku klettunum, ið taka hann av kósini.
Framl.: LaudPeople
Framl. fyri: TV 2 DANMARK
Framl. ár: 2019

Jens Gaardbo og besti vinur hansara, Niels Brinch, bjóða inn til pokerkvøld, har teir fortelja um drúgt vinalag. Martin Brygmann vitjar sonin, Ludvig, sum eins og hann dámar stak væl tónleik. Julie Berthelsen elskar ross. So hon hevur keypt eitt íslendkt pony.
Framl.: Metronome Productions A/S
Framl. fyri: TV 2 DANMARK
Framl.ár: 2019

Jon Almaas - eisini kendur sum ein av teimum hørðu, kendu í Noregi - veit nógv um tað mesta. Men við Monsen á villinigøtum má hann bæði læra nýtt og taka fram gamlan kunnleika frá barnaárunum. Sesong 3.

Messingblásarar í KORK við stórfingnum tónleiki frá seinastu 500 árunum. Gestur er Kristian Kristensen, sum framførir tveir av sínum mest kendu sangum við messingblásarum.

Frá Jesusi á krossinum til familjuhugna. Sending um, hvussu danir á ymiskan hátt halda páskir.

Jens fær nærsamband við bjørn og moskus. Tá ein svartabjørn kemur millum Jens og kanoina, ræðist hundurin Tarzan og rýmir. Jens óttast tað ringasta, meðan henn leitar eftir Tarzan.

Tann ósjónligi fíggindin.
Ito verður argur, tá Hunga ikki vil hava hann við út at veiða við hinum veiðumonnunum. Hann heldur, at hann hevur brúk fyri megini í amulettini hjá Enyo og ger ikki mætari enn at stjala hana. Men tá hann roynir at nýta hana, loysir hann eina veru, sum hóttir allan ættbólkin og serliga Hunga. Ito má finna út av, hvussu hann kann gera av við hesa veruna og bjarga Hunga.

Í dag 2. apríl er altjóða autismudagur, í tí sambandi hava vit valt at endursenda sendingina "Áðrenn tey vistu".

Asperger er eitt slag av autismu. Fyri ein, sum hevur asperger, kann tað vera ein avbjóðing at vera millum onnur fólk. Serliga árini, áðrenn sjúkueyðkennið verður staðfest, kunnu kennast tung. Sendingin varpar ljós á tvær familjur áðrenn tær máttu ásanna, at ein av teirra hevði autismu. Í dag eru hesir báðir, sum hava asperger, vaksnir menn. Í sendingini tosa teir eisini um hvørji framtíðarútlit teir síggja fyri sær.
Lagt til rættis: Ivan Hentze Niclasen.
Foto og Klipp: Jónfinn Stenberg.

Dreingir í grønum jakkum vóru javnan at síggja í gøtunum í Havn í 80unum og 90unum. Nógv ræddust grønjakkarnar, sum fyri tað mesta gingu skeivir av hasji ella øðrum rúsevnum og kundu finna uppá mangt og hvat.
Lagt til rættis: Dagmar Joensen-Næs og Regin W. Dalsgaard.
Filmað og klipt: Hans Petur Hansen.

1. partur - Ein løta í sólini - Klóturnar
Í hesi merkisverdu røðini, sigur Brian Cox professari frá serligu lívssøguni hjá sólskipan okkara. Røðin avdúkar ófatiligan vakurleika og stórleika á 8 gongustjørnum, hvørs søgu vit júst so smátt eru byrjað at skilja.
Fyrsti partur leitar fram slóðina til tær fýra gongustjørnurnar, sum eru næst sólini: Merkur, Venus, jørðin og Mars. Tað var ein tíð, har umstøðurnar á ymsu gongustjørnunum mintu um tær á jørðini. Men í dag er Merkur avsviðin og oyðin. Venus tað sama. Mars er oyðin og køld. Einans á jørðini er vatn og lív. Men hví trívist jørðin, meðan hinar fána burtur?

Ein familja við fyra børnum verður heimleys, tá ið útleigarin ynskir at selja húsið, sum tey leiga.
Næstu 36 timarnar leitar familjan eftir einum nýggjum bústaði, alt ímeðan tey royna at dylja truplu støðuna fyri børnunum.
Í 2018 vann filmurin´Rosie´ virðisløn fyri ´Besta film´ á Dublin Film Critics Circle Awards.
Leikarar: Rosie Davis: Sarah Greene, John Paul Brady: Moe Dunford og Megan: Jade Jordan. Kellie: Aisling O´Mare. Darren: Killian Coyle. Svetlana: Natalie Kostrzewa. Madison: Molly McCann. Alfie: Darragh McKenzie. Millie: Ruby Dunne.
Leikrit: Roddy Doyle.
Leikstjórn: Paddy Breathnach.
Framl.ár: 2018.
Aldursmark: 11.

Japan liggur bæði landafrøðiliga og mentanarliga langt frá Danmark. Kortini búgva nakrir hundrað danskarar har. M.o. unga listafólkið Clara, pylsumaðurin Bjarne, motorsúkklumaðurin Andreas og forstaðsfrúan Inger-Marie. Hesi fáa vitjan av Jakob Thygesen, og soleiðis fáa vit eitt sindur at vita m.a. um nógvu reglurnar í landinum og hvussu tey handfara tær.