Skrá Sjón

Heimafimleikur við Sofia Åhman.
Styrkivenjingar.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Í fimmti- og sekstiárunum trossa tveir ungir mans alt vit og skil, og brúka alla sína frítíð og hópin av pengum upp á konstnaðarmikla filmsútgerð og ráfilm, fyri at dokumentera bæði samtíðina og gamlar siðvenjur. Fá vóru tey, ið dugdu at síggja virðið í filmsarbeiðinum hjá hesum ungu monnum. Teir verða roknaðir sum tveir originalar, ið heldur taka eitt filmstól enn ein sóknarongul við í grind. Í næstu sending um søgur handan filmskut úr føroyskum søgum, sigur Uni Leitisstein Hansen søguna um 82 ára gamla Dánjal Jákup Mortensen og 78 ára gamla Jákup Andreas Arge, ið eru undangongumenn innan filmslist í Føroyum.

Vit eru við programmleiðarunum Emilie Björkman og Martin Falklind og fiska ymsastaðni í Svøríki. Tey hitta fólk, sum stórtrívast við at njóta náttúruna og hava tráðuna við sær.
Mitt í Vänern liggur ein lítil oyggj, sum eitur Lurö. Hagar er Martin Falklind farin at royna eftir teimum rættiliga væl vaksnu geddunum. Til hjálpar hevur hann Per Ola Johannesson.

Hundar eru rættiliga kringir. Men hvat hendir, tá "rørslutólini" ikki rigga, sum tey skulu?
Programmleiðari: Sofia Rågenklint.
Djóralækni: Oskar Nilsson.

Tú veitst aldri, hvørjar avbjóðingar tú kanst vænta tær í eini arbeiðsviku. Are hevur verið í NRK og lært, hvussu sendingin Kring Noreg verður til. Men hvat sigur hann, tá hann kemur eftir, at tað er hann, sum skal vera programmleiðari?

Maria vil finna tað rætta honkytonk-tapetið. Og Martin dyrkar sín stóra áhuga fyri lampum. Jeppe og Steffen vilja hava nógv nips, t.d. ein stóran tikara.
Partsh.: Stovan og gongin
Sesong: 4.
Partur: 4.
Framl.ár: 2023
Framl.: Strong Productions
Framl. fyri: TV 2 DANMARK

Gert Wingårdh og Anne Lundberg fylgja inspirerandi fólkum, sum fylgja sínum egnu húsdreymum.
Sesong 8.
Í Kassjö uttan fyri Umeå ætla Erik og Laura at byggja eini heilt óvanlig hús - hóast tey aldri hava bygt fyrr. Framtíðar húsini skulu verða úr hálmballum og leiri, og tey hava fyrireikað seg í fleiri ár. Málið er ikki bara eini haldgóð hús, men ein nýggjur lívsstílur hjá teimum.

Dreingir í grønum jakkum vóru javnan at síggja í gøtunum í Havn í 80unum og 90unum. Nógv ræddust grønjakkarnar, sum fyri tað mesta gingu skeivir av hasji ella øðrum rúsevnum og kundu finna uppá mangt og hvat.
Lagt til rættis: Dagmar Joensen-Næs og Regin W. Dalsgaard.
Filmað og klipt: Hans Petur Hansen.