Skrá Sjón

Í 2008/2009 skrivaði tónaskaldið Kári Bæk eitt verk fyri solo guitar. Verkið, ið var skrivað til Ólav Jakobsen, lýsir eina listaframsýning og fýra listaverk. Listaverkini eru millum tey kendastu hjá nøkrum av okkara frægastu listamálarum.
Í sendingini spælir Ólavur Jakobsen verkið. Hann og Bárður Jákupsson skifta eisini orð um tónleikin og tey fýra listaverkini hjá Torbirni Olsen, Frimod Joensen, Ingálvi av Reyni og Sámali Joensen-Mikines.
Kári Bæk fylti 70 ár 11. september.

Lagt til rættis:
Carsten Macdonald Arnskov

Mardalsfossur er ein av heimsins hægstu fossum. Í 1970 varð viðtikið, at vatnið skuldi veitast úr Eikesdal. Men hvørt summar verður vatnið skrúvað eitt sindur frá, og hóast skerdur er Mardalsfossur stórbærur á at líta.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Fjallið.
Doodjiar noyðast at steðga á, tí eitt fjall forðar teimum. Enyo fær eina avbjóðing, men hann ivast, um hann skal taka av. Sjálvt Shamani megnaði ikki avbjóðingina tann tíð tað var. Men Enyo noyðist, og hann klívur upp á fjallið og møtir har fjallaandanum og avbjóðingini.

Nógv eru tey, sum ferðast langt at uppliva ljósar nætur.
Í Grimsey í Íslandi er midnáttarsól-festivalur, og på Nordkapp halda Julia og Rune brúdleyp.

Summarið nærkast, og nógv gleða seg til feriur í suðurlondum. Men hjá teimum, ið ikki ætla sær so langa leið í summar, er ein rúgva at uppliva í Føroyum. Gongutúrar í haganum, tjalding ella sílaveiða kann vera minst líka minnisríkt fyri børnini sum túrar til Mallorka. Tað týdningarmesta er at uppliva okkurt saman. Afturat tí er útilívið gott fyri bæði kropp og sinn. Men hvussu ger mann? Hvat skal til, og hvar fer mann? Hetta er sjálvandi ikki so lætt at byrja við, men í trimum sendingum fara vit at vísa á ymiskar mátar at njóta útilívið.
Lagt til rættis: Jónfinn Stenberg og Jens Jákup Hansen.

Fagnaðarkonsert til heiðurs fyri Jens Paula Heinesen á 90 ára føðingardegnum.
Leygarkvøldið 12. november 2022 var stór fagnaðar- og útgávukonsert í Norðurlandahúsinum, sum Elin Brimheim Heinesen skipaði fyri til heiðurs fyri pápa sín, Jens Paula Heinesen á 90 ára føðingardegi hansara. Á skránni vóru seks tónlistaverk, sum Elin hevur skrivað til yrkingar hjá pápanum, har av fimm vóru frumframførd, nevniliga løgini Sóleyan lýsir um fløtur, sum kom út sum staklag í 2021, umframt fýra spildurnýggj løg: Flóttin, Eg gangi við einum djúpi, Heystnáttin og Sorgin er vøkur við. Hesi fimm løgini vóru sett út fyri symfoniorkestur av italska tónaskaldinum Enzo De Rosa, sum sjálvur kom til Føroya at spæla flygil á konsertini. Endað var við lagnum Eitt dýpi av dýrari tíð, útsett fyri symfoniorkestur av danska tónaskaldinum Søren Hylgdgaard sála. Føroya Symfoniorkestur spældi, stjórnað av Bernharði Wilkinson, saman við kórunum Tarira og Tórshavnar Manskóri, meðan Elin Brimheim Heinesen sjálv var sangsolistur.

Millum framførslurnar av tónlistaverkunum hevði verturin Suni Merkisstein samrøður við ymisk fólk um Jens Paula Heinesen og skaldskap hansara, m.a. Hanus Kamban, Sonna Smith, Anniku Hoydal, Unn Paturson, Bárð Persson og Gullu Øregaard. Rithøvundafelagið fagnaði høvundanum við framløgu eftir Berg Rasmussen. Harumframt las Páll Danielsen brot úr skaldskapi hjá Jens Paula Heinesen.

Elin Brimheim Heinesen sigur soleiðis um tiltakið: ?Pápi skrivaði tíverri sera fáar yrkingar, men tær, sum hann skrivaði, haldi eg, hava uppiborið at vera tiknar fram. Honum dámdi avbera væl klassiskan tónleik. Tí helt eg, tað var hóskandi at hátíðarhalda 90-ára føðingardagin hjá honum við framførslu av seks løgum, sum eg havi tónasett til yrkingar hjá honum og fingið útsett til klassiskt íblástan symfoniskan tónleik.?

Útseting fyri symfoniorkestur og kór: Enzo De Rosa, 2022

Tann 28 ára gamli danin Anders Hvidegaard fer til Grønlands at arbeiða sum skúlalærari í tí lítlu fjarskotnu bygdini Tiniteqilaaq í Eysturgrønlandi. Fyri at verða góðtikin í tí nýggja umhvørvinum, má hann læra bygdafólkið og ikki minst siðirnar har at kenna. Filmurin er ein blanding av dokumentari og fiktión.
Upprunah.: Une année polaire
Við eru: Anders: Anders Hvidegaard, Asser: Asser Boassen og Thomasine : Thomasine Jonathansen.
Við eru eisini: Gert: Gert Jonathansen. Julius: Julius Nielsen. Tobias: Tobias Ignatiussen. Danskt embætisfólk: Ina-Miriam Rosenbaum. Handrit: Catherine Paille og Samuel Collardey. Leikstj.: Samuel Collardey.
Framl.ár: 2018

(The Hunt for Red October).
Kalda kríggið herjar, tá sovjettiski kavbátaskiparin Ramius knappliga setur kósina á sínum hátøknifrøðiliga kavbáti "Red October" beint móti USA. Hann hevur gjørt av at hoppa av, men í dýpinum verður hann fangaður millum tveir fíggindar, tí amerikanska verjan stúrir fyri, at kjarnorkukavbáturin ætlar at leypa á USA, meðan russar hava sent ein annan kavbát avstað fyri at steðga Ramius, so hann ikki letur tann dýrabara kavbátin upp í hendurnar á fíggindanum. Einasti sum trýr Ramius er amerikanski CIA agenturin Jack Ryan, men fær hann bjarga Raimus og manningini undan deyðanum í dýpinum?
Leikarar: Marko Ramius: Sean Connery, Jack Ryan: Alec Baldwin og Bart Mancuso: Scott Glenn. Kaptajn Borodin: Sam Neill. Admiral Greer: James Earl Jones, Andrei Lysenko: Joss Ackland. Jeffrey Pelt: Richard Jordan. Ivan Putin: Peter Firth. Dr. Petrov: Tim Curry. Kaptajn Tupolev: Stellan Skarsgård.
Leikrit: Larry Ferguson og Donald Stewart eftir skaldsøgu hjá Tom Clancy.
Leikstjórn: John McTiernan.