Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Verloggfellan.
Enyo, Ito og Agaya detta niður í eitt gosop, men tveir villir dreingir - Poros og Monto - bjarga teimum. Dreingirnir siga teimum søguna um drongin, sum kann kalla á verloggin. Tá teir skilja, at Enyo er tann drongurin, taka teir Enyo og koma honum í vanda fyri at fáa verloggin at koma honum til hjálpar.

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Rakettkøtturin.
Pettson og Findus sita í eini igloo í óveðri. Tað er bítandi kalt, og tí tora teir ikki at sovna.
Tí seta teir seg at minnast aftur á árið, ið fór. Findus hevur skotið nógvar rakettir um dagin, men enn er ein eftir.

Danmark er ikki norðurlanda stórmakt longur, og tá landið misti Slesvig-Holsten í 1864 er ríkið minni enn nakrantíð. Men eisini ein tíð við stórari framgongd. Einaveldið verður avtikið, og danir fáa fyrstu grundlógina. So líðandi fær fólkið meir og meira ávirkan, og kongarnir missa vald. Men monarkiið hevur funnið nýggjar leiðir og er í dag væl umtókt.
Vertur: Peter Ingemann.
Partur: 6
Framl. ár: 2021
Framl.: Heartland
Framl. fyri: TV 2 DANMARK

Julie Berthelsen skal á stevnumøti við manninum, Minik, og tey skulu hittast eitt óvanligt stað- hjá tatovørinum. Fyri Julie og Minik er tatovering ein partur av grønlendska arvinum, í dag skulu tey bæði tatoverast. Martin Brygmann hevur eina serliga uppgávu saman við vinmanninum Ole Kibsgaard. Teir skulu spæla konsert fyri nøkrum foreldrum, ið eiga kroniskt sjúk børn - ein konsert, sum krevur stóra professionalismu, tá báðir tónleikarar mugu stríðast fyri ikki at tára. Jens Gaardbo vitjar føðibýin Frederikshavn og hittir gamlar floksfelagar, og teir práta um barndómsminni.
Framl.: Metronome Productions A/S
Framl. fyri: TV 2 DK
Framl.ár: 2019

Tá Anette Rönnlund-Nygård var 17 ár, tók pápi hennara lívið av sær. Longu sum barn visti hon um sorg hansara og gjørdi alt fyri at royna at hjálpa honum. Redaktørur: Hanna Klingenberg.

"Stílfullur í foreldrafarloyvi". Jesper Bilander, 26, broytir stíl. Jim Pirard er frisørur og Fredrik Bernhardsson stílmeistari.

Urtagarðurin er inni á Strondum hjá Evu Andersen, sum man eiga størsta urtagarð í Eysturoynni. Hon fer at geva okkum góð ráð um grasplenuna, um kálk, taðing, hvussu kantarnir skulu skerast, hvørji amboð eru tey bestu osfr. Nú skulu rósurnar eisini skerast, so tað fer hon eisini at vísa okkum. Seinast í mars vóru vit inni hjá Evu og sáddu
ymiskar summarblómur í bakkar, nú er tað vaksið so mikið, at tíð er at at planta um.

Gjørt sendingina:´Bergljót D. Hentze og Ragnar C. Joensen.

Í ár eru 20 ár síðani Norrøna fór í sigling.
Kringvarpið var við í Týsklandi eftir Norrønu og fylgdu við skipinum til Føroyar. Sendingin er um fyrsta túrin til Føroya úr Týsklandi.

Sendingina gjørdu: Jógvan Eli Dam og
Johnsigurd Johannesen.

Varenarnir.
Varenarnir, sum annars skulu eitast at hava grøðandi eginleikar, leypa á doodjiar og noyða teir til at leita sær skjól hjá harabiarunum. Enyo roynir at finna út av, hví teir eru so óðir inn á doodjiar, men støðan versnar, tá tað eydnast Quag Naga at ræna Enyo.

Hvør er maðurin handan krúnuna? Í dokumentarsendingini hoyra vit fólk, ið kenna Charles kong allarbest, skúlavinir, fyrrverandi unnustar og ein guðdóttir, starvsfelagar og rithøvundar, siga frá.
Upprunaheiti: My King Charles III.
Framl.ár: 2023.
Aldursmark: 7.

Føroyar fótaðu sær lutfalsliga skjótt eftir herviligu kreppuna fyrra helming av 90-árunum. Brádliga var aftur rokfiskiskapur á grunnunum eftir fiskaloysi í fleiri ár. Fiskaprísirnir vóru góðir, oljuprísirnir lækkaðu, og rentan við. Arbeiði var aftur til nógvar hendur, og føroyingar fluttu heim aftur. Eitt nýtt bjartskygni valdaði. Viðurskiftini millum Føroyar og Danmark gerast spent, tá ið fjølmiðlar fáa illgruna um, at alt ruggaði ikki rætt, tá danska stjórnin í 1993 fekk føroyska landsstýrið at taka yvir Føroya Banka frá Den Danske Bank. Kenslan av sviki og eyðmýking setur dám á løgtingsvalið í 1998. Valið gerst søguligt, tí á fyrsta sinni tey 75 árini undir heimastýrisskipanini, verður samonga skipað, ið setur sær fyri at loysa Føroyar úr heimastýrisskipanini og virka fyri føroyskum fullveldi. Teir báðir stóru tjóðskaparflokkarnir, Tjóðveldisflokkurin og Fólkaflokkurin, ganga saman í samgongu við Sjálvstýrisflokkin. Tjóðskaparvekingin hevur ongantíð verið so sterk sum um aldamótið. Ungdómurin var ávirkaður av hesum ráki, og tað bæði sást og hoyrdist innan eitt nú tónlistina. Í 2000 fer landsstýrið til Keypmannahavnar á minniligu samráðingarnar um føroyskt fullveldi. Men danska stjórnin við Poul Nyrup Rasmussen, forsætisráðharra, á odda, er ikki sinnað at ganga føroyingum til vildar, og setur hart móti hørðum longu á fyrsta fundinum í mars 2000.

5. partur - Út í myrkrið: Ísheimar.
Í seinasta parti er Brian Cox professari í fjarskotnasta partinum av sólskipanini, har mest gátuføru klóturnar eru. Nógv er ógreitt viðvíkjandi hesum heimum. Voyager 2 rúmdarfarið gjørdi á ferð í 1976 kanningar, sum hava prógvað, at klóturnar har úti eru nógv meira "livandi", enn nakar hevði ímyndað sær. Hildið hevur verið fram síðani, í 2015 náddi Nasa við New Horizons heilt út til dvørgaklótuna Pluto. Har komu tey m.a. eftir, at á Pluto er aktivitetur og ikki er hon einsamøll har úti, men hevur eina rúgvu av løgnum ísfylgisneytum.

Loynilig samskifti frá russiska flotanum kann møguliga hjálpa við at avdúka, hvat veruliga hendi, tá ið Nord Stream-gasrørini sprongdust á heysti 2022. Samstundis kanna journalistarnir, hvør spjaðir villleiðandi russisk tíðindi í Danmark, Noreg, Svøríki og Finnlandi. Tað leiðir teir á slóðina til eitt stórt netverk.
Aldursmark 11 ár.

"Theodor Kallifatides". Ein av mest lisnu og best umtóktu rithøvundum í Svøríki skrivar á einum máli, hann ikki er føddur við. Theodor Kallifatides sigur frá tí skakandi hendingini, sum fekk hann at fara undir at skriva, um hvussu ein dáma á Östermalm lærdi hann orðsins virði, at skriva kærleiksbrøv og at fáa lemjandi kritikk.