Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av bretsku barnarøðini Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Pettson er í ringum lag, og hvussu Findus roynir at gera lagið betri, so verður tað bara verri.
At enda eydnast Findusi at lumpa Pettson við at fara út at fiska, og tá hann so fær eina feita áburru, verður lagið betri.

Ævintýrið heldur fram, kósin er sett móti Antigua, har síðsta parið fer úr kappingini. Pørini gera alt, tey kunnu fyri at sleppa undan síðsta plássi, og nýggjar síður koma fram hjá luttakarunum. Tvey pør seta ferð á í Mexico, og tað økir trýstið á hini pørini. Men hvørki Mexico ella Guatemala eru løtt at finna runt í.
Sesong: 3.
Partur: 3.
Framl.ár: 2023
Framl.: Strong Productions
Framl. fyri: TV 2 DK

Flemming Pless prestur hevur sett trimum monnum stevnu, hesir hava allir tikið lívið av fólki. Hann ætlar at kanna, um hugtøkini í Bíbliuni um skyld, straff, angur og fyrigeving geva meining hjá teimum, sum hava brotið fimta boð: TÚ MÁST IKKI SLÁA Í HEL!

Hjá F-16 flogskiparanum TEO gjørdist kríggið í Libya tann fyrsta "harða" uppgávan. Á flogskúlanum hjá verjuni byrjar nýtt lið av næmingum. Einans fáir av teimum megna at fara allan vegin.
Partur: 1.
Framl.ár: 2023
Framl.: STV Productions A/S
Framl. fyri: TV 2 DANMARK

Anna er 24 ár og rúsevnismisnýtari, harafturat stríðist hon við sálarsjúku. Síðan Anna var 13 ár, hevur hon ferðast inn og út úr psykiatriini. Røðin fylgir Annu í trý ár, har hon dagliga stríðist við sálarløstir í eini skipan, hon ikki følir veita henni ta røttu hjálpina. Tá Anna verður útskrivað av afturlatnari deild á Bispebjerg, flytir hon inn í ein húsvogn úti á bygd, har hon hevur rossið, Albert. Hon fær seinni unnusta og íbúð í Keypmannahavn - kanska kann lívið gerast annað enn tablettir og rúsevni?
Partur: 1.
Framl. ár: 2023
Framl.: IMPACT A/S
Framl. fyri: TV 2 DANMARK
Aldursmark: 15