Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, hóskvøld, leygarkvøld og sunnumorgnar.

Í Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðini Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Í 1975 er Anders Lund Madsen 12 ára gamal. Hann lesur "Sølvpil", hugnar sær við sínum skriðdýrum og droymir um at fáa lokomotivið ´krokodilluna´ til tokjarnbreytina hjá sær. Nú savnar hann familjuna og flytur aftur til 1975. Til tíðina, har nógv er appilsinlitt, tá heil hvíttkál vórðu fylt við farsi, og Vietnamkríggið endaði. Í tríggjar dagar livir og býr familjan sum í 1975 og upplivir barnaárini hjá Anders í ljóði, lukti, smakki og stíli. Kunnu vit læra nakað um nútíðina við at gera eitt rend aftur í fortíðina?
Framl.: Mastiff A/S
Framl. fyri: TV 2 DANMARK
Framl. ár: 2020

"Pitsa". Italskir smakkir skulu á borðið, tá Paul Svensson stendur framman fyri fyrsta góðkenda pitsubakara í Skandinavia. Anne Lundberg og Paul Svensson eru á matferð í Skåne, tey leita eftir ókendum grønum rávørum. Á leiðini bjóða bestu kokkar í Svøríki sínar egnu yndisrættir.

Noel fær óvanliga nógv um at vera, tí bakaríið hevur fingið ein stóran ordra. Øll familjan er samlað fyrstu ferð í útvið tvey ár til ein dupultbarnadóp hjá Heidie og Phoebe.
Partur: 5.
Framl.ár: 2022

Í urtagarðssendingini vitja vit Eilif Brimheim í Havn, sum ikki hevur nakran vanligan urtagarð. Umframt blómur, trø og vakstrarhús, hevur Eilif stóran áhuga fyri hyljum og vatnplantum av ymiskum slag. Men honum dámar eisini væl djór, so her eru bæði froskar, skaldbøkur og 60 undulatar.

Lagt til rættis: Bergljót D. Hentze og Ragnar C. Joensen.

Price brøðurnir eru í Noreg á norðurlendskari matferð. Matskráin er so norsk, sum hon kann vera, toskur, lamb og so hvalapylsa. Adam setur uppá at sova úti, men endar á einum boripalli mitt í Norðsjónum, og James roynir seg á kenda skíðstaðnum Holmenkollen.

Lise Nørgaard rithøvundur og tíðindafólk doyði 1. januar 105 ára gomul. Sjónvarps-verturin Cecilie Frøkjær var ein av bestu vinum hennara, hon er vertur í minnissendingini "Sikke et liv - tak, Lise Nørgaard. Í sendingini siga vinir hennara frá hendingaríka lívinum hjá Lise Nørgaard, rithøvundi og journalisti. Lise er serliga kend fyri sjónvarpsrøðina ?Matador?.
Vertur: Cecilie Frøkjær
Framl. ár: 2023
Framl.: TV2 Danmark

1. januar 2023 andaðist Lise Nørgaard, rithøvundur og tíðindafólk. Áðrenn hon doyði, tosaði Lise Nørgaard við Mikael Bertelsen um lív sítt. Upptøkurnar hava verið goymdar í Det Kgl. Biblioteks arkiv, og nú eru tær brúktar til sendingina "Det sidste ord".

Ein hyggjari fær nýggjan stíl. Stílmeistarar frá Go´kväll. "Kicki, 60: Hvar er veitslan?"

17. mai-dámur í Lærdal og stongdur vegur um fjallið.

Samrøða við Pál Vitalis Joensen, sum hevur svomið kapp á olympisku leikunum tvær ferðir og er eitt av okkara størstu ítróttafólkum yvirhøvur. Vit hava ikki hoyrt nógv til svimjaran seinastu árini, men Kristi himmalsferðardag helt hann fyrilestur, har hann greiddi frá sínum ítrótta upplivingum. 3-2 hevur hitt úrmælingin úr Vági, sum í dag býr í Havn saman við familju síni.

Hvør er maðurin handan krúnuna? Í dokumentarsendingini hoyra vit fólk, ið kenna Charles kong allarbest, skúlavinir, fyrrverandi unnustar og ein guðdóttir, starvsfelagar og rithøvundar, siga frá.
Upprunaheiti: My King Charles III.
Framl.ár: 2023.
Aldursmark: 7.

Tveir sosialir menn hugsa um einsemi. Í SVT (svenska kringvarpinum) pakkar Janne Josefsson professionella lívið niður og fantaserar um, hvat stjórarnir halda um hann. Í Tranås minnist Mohammad Lamari dreymarnar, hann hevði sum ungur, og hann gerst rørdur. Ein ferð um at eldast, um lívið og deyðan við Janne Josefssons og hýruvognsføraranum Mohammad Lamari.

Ilt-trøini.
Leiðin hjá doodjiarum gongur ígjøgnum ein iltskóg, har teir koma fram á fíggindaliga sinnaðar chwan?ar, sum veiða osumar, ið eru smá dýr, sum hjálpa náttúruni at halda javnvágina. Teir veiða fleiri dýr, enn teir hava brúk fyri og savna tey í einum búri. Knappliga følna ilttrøini og fara um koll, og luftin verður ring. Andin sigur Enyo, at hann má fría osumarnar fyri at bjarga skóginum og sínum fólki.

Mette og Arnfinn Roland hava eina 100 ára ætlan: At gera ein berlendan garð á 70 stigum norð grønan. Men harða, kalda veðurlagið ger tað ikki heilt einfalt.
Broadcast Company NRK

"At vera eyðmjúkur og ærligur um seg sjálvan og síni medmenniskju, tað má vera lykilin til eitt gott lív."
Jógvan á Høvdanum (yngri), Kunoy, føddur 20. september 1979.

Í apríl 1973 komu tey fyrstu børnini við menningartarni, sum vórðu send á stovn í Danmark, heimaftur til Føroya, 50 ár síðani og í tí sambandi endursendir Kringvarpið stuttrøðina
"Send á Rødbygaard".

Í fleiri áratíggju vórðu børn og vaksin send á Rødbygaard á Lollandi. Har búðu upp ímóti 1000 fólk, av teimum vóru onkuntíð einir 70 føroyingar. Tey flestu búfólkini á Rødbygaard vóru menningartarnað, men ikki øll. Summi gingu í skúla ella arbeiddu, onnur gjørdu hvørki. Ungir føroyingar vóru eisini í læru á Rødbygaard og arbeiddu fyri at broyta umstøðurnar.

Lagt til rættis: Karolina Thostrup

Svensk dokumentarrøð frá 2019 eftir Tom Alandh. Leif Silbersky. Altíð í miðdeplinum, skjóttonktur, harður og treiskur sum fáur. Hvat man hann fáast við í frítíðini eftir 60 tíma arbeiðsviku, og hann er farin av 80?

Tann 28 ára gamli danin Anders Hvidegaard fer til Grønlands at arbeiða sum skúlalærari í tí lítlu fjarskotnu bygdini Tiniteqilaaq í Eysturgrønlandi. Fyri at verða góðtikin í tí nýggja umhvørvinum, má hann læra bygdafólkið og ikki minst siðirnar har at kenna. Filmurin er ein blanding av dokumentari og fiktión.
Upprunah.: Une année polaire
Við eru: Anders: Anders Hvidegaard, Asser: Asser Boassen og Thomasine : Thomasine Jonathansen.
Við eru eisini: Gert: Gert Jonathansen. Julius: Julius Nielsen. Tobias: Tobias Ignatiussen. Danskt embætisfólk: Ina-Miriam Rosenbaum. Handrit: Catherine Paille og Samuel Collardey. Leikstj.: Samuel Collardey.
Framl.ár: 2018

"Martin Fröst". Klarinettspælarin Martin Fröst er millum heimsins fremstu á sínum ljóðføri, men strembar altíð eftir nýggjum avbjóðingum. Her sigur Martin Fröst frá syrgiligu góðanáttsangunum hjá mammuni, um ræðslu fyri at gera skeivt og um at droyma um tónleik, sum ikki er til.