Skrá Sjón

Sofia Åhman skipar fyri heimafimleiki.
Í dag eru styrki og rørsla á skránni.

Her fæst meditatión við vegleiðara. Í kvirru fylgir tú natúrliga andadráttinum, visualiserað venjing -
vónandi hevur tað við sær, at tú verður betri við kroppin.

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

So er Spískamarið aftur á ferð! Og hesaferð snýr tað seg um føroyska landbúnaðin.
Í fýra sendingum vitjar Spískamarið bø og garðar kring Føroyar og kannar, hvussu alt byrjaði, hvussu tað gongur í dag, og hvussu framtíðin kann síggja út?

Fyrsti partur: ?Kúgvin? snýr seg um, hvussu týdningarmikil kúgvin var fyri Føroya fólk upp gjøgnum tíðirnar. Gutti vitjar Sigert á Vatnaskørðum, har slakta tey eina kúgv, sum hevur tænt fyri seg. Síðani fer Gutti at gera ost á mjólkarvirkinum, vitja eitt sera matligt tjald á Bacalao og hann endar ferðina við at borðreiða fyrsta floks osso buco og tatar í Kirkjubø.

Sendingarnar eru upptiknar í 2020-21 undir koronutíðini. Nógv er hent síðani tá, og tí kann tað koma fyri, at summi fólk ikki gera tað sama í dag, sum tey gera í sendingunum.

Hinvegin er matgleðin enn tað sama, sum hon altíð hevur verið - Sonn matgleði!

Frá ballet til disko.
Tey átta, sum eftir eru, geva alt tey eiga í kappingini um 50.000 pund og pláss í ´Strictly Come Dancing´.
Upprunah.:Den vildeste danser UK
Dómarar: Cheryl, Matthew Morrison og Oti Mabuse. Vertir: Alesha Dixon og Jordan Banjo.
6. partur
Framl. ár:2019

Orsakað av kynspolitiskum spæli verður kvinnuligi hermaðurin Jordan O´Neil (Demi Moore) førd yvir til úrvalsherdeildina Navy S.E.A.L.S. Her skal hon, sum fyrsta kvinna, gjøgnumføra ta hørðu hernaðarútbúgvingina á sama stigi sum menn. Leiðari hennara Master Chief John Urgayle (Viggo Mortensen) hevur ikki álit á kvinnum sum úrvalshermenn og gevur henni sama knoss sum menninir. Men Jordan hevur vilja av stáli, og hon noktar at geva upp.
Leikarar: Jordan O´Neil: Demi Moore, Master Chief John Urgayle: Viggo Mortensen og Lillian DeHaven: Anne Bancroft. Við eru eisini: Royce: Jason Beghe. Theodore Hayes: Daniel von Bargen. Max Pyro: Kevin Gage. Sgt. Johns: David Warshofsky. McCool: Morris Chestnut. Handrit: Danielle Alexandra og David Twohy. Leikstj.: Ridley Scott.
Framl. ár: 1997
Aldursmark: 15

Fyrrverandi úrvalshermaðurin Hannibal oberstur ger saman við øðrum bólkin A-Toymið, sum skal taka á seg topployniligar og lívshættisligar uppgávur fyri amerikansku fregnartænastuna CIA. Seinni -eftir 80 væl eydnaðar uppgávur - verður toymið sent eftir nøkrum prentmyndum, sum iraksk uppreistrarfólk skulu brúka til at gera falskar dollarseðlar við. Men hesaferð gongur als ikki eftir ætlan.
Leikarar: Oberst John ´Hannibal´ Smith: Liam Neeson, Løjtnant Templeton ´Faceman´ Peck: Bradley Cooper og Kaptajn ´Howling Mad´ Murdock: Sharlto Copley.
Harafturat eru: Sergent Bosco ´B.A.´ Baracus: Quinton ´Rampage´ Jackson. Løjtnant Charissa Sosa: Jessica Biel. Lynch: Patrick Wilson. General Russell Morrison: Gerald McRaney.
Handrit: Joe Carnahan, Brian Bloom og Skip Woods bygt á sjónvarpsrøðina ´The A-Team´.
Leikstj.: Joe Carnahan.
Uppr.h.: The A-Team
Framl.ár: 2010
Filmurin er óhóskandi fyri børn!