Skrá Sjón

Vit senda beinleiðis frá FM-kappróðri á jóansøku.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, hóskvøld, leygarkvøld og sunnumorgnar.

Peter Ingemann er á ævintýrferð á Puch knallert. Nú er hann komin til Vestegnen. Her er hann boðin til dansk-turkiskt brúdleyp hjá Medinu og Mikkel, sum hava funnið kærleikan tvørtur um mentan og átrúnað. Og so vitjar hann Bent og Kirsten á elsta kampingplássinum í Danmark, í Hundige.
Framl.: Heartland
Framl. fyri: TV 2 DANMARK
Framl. ár: 2020

Emil, Alfred, Mikkel og hini á liðnum eru av álvara á norðurpóls-ævintýrferð. Fyri sær hava tey næstan 200 kilometrar á skíð í eini miskunnarleysari ísoyðu norðast á Svalbard. Ógvisligi kuldin kroystir tey ikki einans kropsliga, men eisini mentalt. Og so síggja tey eisini fyrstu tekin um fylgjurnar av veðurlagsbroytingunum.
Sesong: 1.
Partur: 5.
Framl. ár: 2023
Framl.: Bermuda
Framl. fyri: TV 2 DANMARK

Robert (Liam Neeson), listamaður, ferðast úr London til Italia saman við soninum, Jack (Micheál Richardson), teir ætla at umvæla og selja húsini, teir hava arvað eftir konu Robert. Vakra gamla húsið er ikki viðlíkahildið, so tað verður ein størri verkætlan hjá teimum báðum. Arbeiðið í vakra Toscana fær teir báðar tættari hvørjum øðrum og at hugleiða um lívið.
Upprunaheiti: Made in Italy.
Leikarar: Robert: Liam Neeson, Jack: Micheál Richardson og Natalia: Valeria Bilello.
Ruth: Yolanda Kettle. Ree: Souad Faress. Kate: Lindsay Duncan. Raffaella: Helena Antonio. Leikrit og -stjórn: James D´Arcy.
Framl. ár: 2020.
Aldursmark: 7.

Framl.ár: 2022

Tann 11. juni 2022 var konsert við Thomas Helmig á Ceres Arena í Aarhus.
Í dokumentarinum fáa vit innlit í fyrireikingarnar til konsertina í Aarhus, sum altíð hevur havt stóran týdning fyri hann. Tað er heimbýur hansara, har hann frá barnsbeini av hevur fylgt fótbóltsliðnum á staðnum AGF á Ceres Park. Tí er tað nakað heilt serligt fyri hann, at konsertin er á Ceres Arena í Aarhus.
Framl.ár: 2022.