Skrá Sjón

Sofia Åhman skipar fyri heimafimleiki fyri SVT.
Hesa ferð verður dentur lagdur á styrki.

Lættar jogarørslur, sum eru góðar at linka spenningar í kroppinum við og til at njóta løtuna, vera til staðar. Gott at hava eina mottu á gólvinum at sita á.

Hesa ferð vitjar Spískamarið Føroya bygdasligasta tiltak - nevniliga Heystfagnaðin á Eiði. Har fer Gutti á fjall við Eiðis monnum. Slaktið fyllir enn nógv í føroyska samfelagnum og føroysku tilvitskuni, men tað knípir ofta við at gagnnýta allan seyðin. Tí ger Gutti av at gera ein gøtukøk til Heystfagnaðin, har gloypubitar av avroðum verða borðreiddir fyri gestunum.

Doug (Seann William Scott) og Richard (John C. Reilly) arbeiða báðir í sama stórhandli. Tá nýggjur úthandil skal latast upp, ynskja teir sær báðir starvið sum leiðari. Í fyrstani royna kappingarneytarnir at bera seg fólkaliga at sínamillum, men broytist skjótt, og báðir vísa minni góðar síður av síni persónligheit. Teir vilja gera ALT fyri at spilla møguleikan hjá hvørjum øðrum.
Leikandi: Doug Stauber: Seann William Scott, Richard: John C. Reilly og Teddy Grahams: Chris Conrad. Við eru eisini: Ernesto: Rick Gonzalez. Octavio: Adrian Martinez. First Kid in Parking Lot: Maestro Harrell. Second Kid in Parking Lot: Kristopher Lofton. Handrit og leikstj. Steven Conrad
Framl. ár: 2008
Aldursmark: 7

General Francis X Hummel (Ed Harris) er illur inn á amerikansku stjórnina, tí hann heldur, at stjórnin fer ikki væl við loynihermonnum. Tí yvirtaka hann og hermenn hansara eftirlitið við tí gomlu fongsulsoynni Alcatraz. Her hava teir yvir 80 gíslar fangar og hótta við at skjóta nakrar stolnar rakettir fyltar við drepandi gassi ímóti San Francisco. Myndugleikarnir velja at senda serkønar hermenn í oynna. Við sær hava teir serkøn í kemiskum vápnum Dr. Stanley Goodspeed (Nicolas Cage) og gamla enska agentin Patrick Mason (Sean Connery), sum er tann einasti, sum nakrantíð hevur megnað at flýggja frá Alcatraz. Saman skulu teir steðga tí svaka generalinum og avmontera rakettirnar.
Leikarar: John Patrick Mason: Sean Connery, Dr. Stanley Goodspeed: Nicolas Cage og General Francis X Hummel: Ed Harris. Við eru eisini: James Womack: John Spencer. Major Tom Baxter: David Morse. Ernest Paxton: William Forsythe. Commander Anderson. Michael Biehn: Carla Pestalozzi: Vanessa Marcil. Handrit: David Weisberg, Douglas Cook og Mark Rosner. Leikstj.: Michael Bay.
Framl. ár: 1996
Aldursmark: 11