Skrá Sjón

Sofia Åhman skipar fyri heimafimleiki fyri SVT.
Hesa ferð verður dentur lagdur á rørslu.

Sitandi meditatión, har tú eina løtu hugsar um hjartað og tað, sum hartil hoyrir. Ulrika vegleiðir.
Fá tær eitt trygt og friðarligt pláss at vera.

Summarið nærkast, og nógv gleða seg til feriur í suðurlondum. Men hjá teimum, ið ikki ætla sær so langa leið í summar, er ein rúgva av tingum, mann kann uppliva í Føroyum. Gongutúrar í haganum, tjalding ella sílaveiða kann vera minst líka minnisríkt fyri børnini sum túrar til Mallorca. Tað týdningarmesta er at uppliva okkurt saman. Afturat tí er útilívið gott fyri bæði kropp og sinn. Men hvussu ger man? Hvat skal til, og hvar fer man? Hetta er sjálvandi ikki so lætt at byrja við, men í trimum sendingum fara vit at vísa á ymiskar mátar at njóta útilívið.

Triðja ljóðroynd bjóðar spenning við vandamiklum stuntum á pallinum. Ein saxofonspælari, ein flúgvandi kvinna og ein komikari eru eisini á skránni.
Uppr.h.: America´s Got Talent: All-Stars
Partur: 3. ljóðroynd
Vertur: Terry Crews Dómarar: Howie Mandel, Heidi Klum og Simon Cowell
Sesong: 1.
Partur: 3.
Framl. ár: 2022

Mel (Rose Byrne) og Mia (Tiffany Haddish) er bestu vinkonur og hava eitt kosmetikkfirma saman. Tær enda í stórari skuld, men fáa yvir eina millión í láni frá vakurleikadrotningini Claire Luna (Salma Hayek). Men Claire Luna hevur ætlanir, sum als ikki gagna Mel og Miu, tvørturímóti!
Leikarar: Mia Carter: Tiffany Haddish, Mel Paige: Rose Byrne og Claire Luna: Selma Hayek. Við eru eisini: Sydney: Jennifer Coolidge. Shay Whitmore: Lisa Kudrow. Josh Tinker: Karan Soni. Harry: Jacob Latimore. Kim: Jessica St. Clair. Barrett: Billy Porter. Ron: Jimmy O. Yang. Greg: Ryan Hansen. Handrit: Sam Pitman, Adam Cole-Kelly og Danielle Sanchez-Witzel. Leikstj.: Miguel Arteta.
Framl. ár: 2020

Í 2029 stríðist fólkið ímóti maskinunum, sum hava valdið. Leiðarin fyri uppreistrinum, John Connor, sendir sersjantin Kyle Reese aftur til 1984 at verja mammu John, Saru Connor og soleiðis tryggja sítt egna lív. Men tíðarferðin miseydnast og fær óvæntaðar fylgjur, og tíðarlinjan er brotin. Reese endar í eini nýggjari, alternativari fortíð. Her má hann átaka sær nýtt mál, sum hann als ikki hevði sæð frammanundan: At byrja framtíðina av nýggjum.
Fimti Terminator-filmurin - hesa ferð við Arnold Schwarzenegger aftur í leiklutinum sum tólmenni úr framtíðini.
Leikarar: Terminator: Arnold Schwarzenegger, Kyle Reese: Jai Courtney og Sarah Connor: Emilia Clarke.
Við eru eisini: John Connor: Jason Clarke. O´Brien kriminalpolitistur: J.K. Simmons. Tim: Matt Smith. T-1000: Byung-hun Lee. Harding kriminalpolitistur: Gregory Alan Williams.
Handrit: Laeta Kalogridis og Patrick Lussier.
Leikstj.: Alan Taylor.
Upprunah.: Terminator Genisys
Framl. ár: 2015