Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sløkki Sam, Grísa Peppa og Uki.

"Snipp snapp" er hvørt mikukvøld, hóskvøld og um vikuskiftið.

(He´s Just Not That Into You).
Í amerikanska stórbýnum Baltimore leita nakrar kvinnur og menn eftir tí einastu einu/einasta eina. Gigi heldur, at teir menn hon hittir, allir eru tann rætti, men tann fitti og kanska lívsklóki Alex fortelur henni nakrar sannleikar um, hvussu menn og kvinnur hugsa. Janine og Ben hava eitt gott hjúnalag, til Ben hittir Annu við kassan í stórhandlinum. Neil og Beth hava verið par í sjey ár, men hon ger tað liðugt, tá hon varnast, at hann ikki vil giftast við henni. Kærleikin og kynsmunirnir eru atvoldin til spurningar og ótryggleika, men eisini til gleði og romantikk!
Leikarar: Beth Murphy: Jennifer Aniston. Neil: Ben Affleck. Anna Marks: Scarlett Johansson. Janine: Jennifer Connelly. Gigi Philips: Ginnifer Goodwin. Alex: Justin Long. Mary: Drew Barrymore. Ben: Bradley Cooper. Conor Barry: Kevin Connolly.
Leikrit: Abby Kohn og Marc Silverstein, eftir skaldsøgu hjá Greg Behrendt og Liz Tuccillo.
Leikstjórn: Ken Kwapis.

Indiana Jones fer til Peru, har gamli starvsfelagi hansara Harold er horvin eftir at vera komin fram á ein krystalsskølt. Indiana Jones kemur eftir, at kristallskølturin hevur stóra gátuføra megi.
Leikarar: Indiana Jones: Harrison Ford.
Við eru eisini: Karen Allen, Shia LaBeouf og Cate Blanchett
leikstj.: Steven Spielberg.
Aldursmark: 11.

Fyri yvir 20 árum síðan steðgaði eitt rúmdarfar uppi yvir Suðurafrika, og yvir ein millión av ótrúliga misháttum, men friðarligum rúmdarverum vórðu innistongd í flóttafólkaleguni District 9 uttan fyri Johannesburg. Privatfirmað MNU fekk arbeiðið at ansa fremmandu verunum, men tað er í veruleikanum einans áhugað í at læra loyndamálið aftan fyri vápnini hjá fremmandaverunum at kenna. Tá ein av medarbeiðarunum í firmanum Wikus Van De Merwe (Sharlto Copley) verður smittaður av einum virusi og byrjar at broytast við úrbregði (mutera), so hann dugir at handfara vápnini, vil MNU hava fatur í honum. Wikus hevur bara eitt stað, hann kann krógva seg: District 9!
Peter Jackson hevur framleitt District 9, sum varð tilnevndur fýra Oscars.
Leikandi: Wikus Van De Merwe: Sharlto Copley, Grey Brednam: Jason Cope og Sarah Livingstone: Nathalie Boltt.
Dr. Katarina McKenzie: Sylvian Strike. Les Feldman: John Sumner. Francois Morneau: Nick Blake.
Handrit: Neill Blomkamp og Terri Tatchell
Leikstj.: Neill Blomkamp.
Uppr.: District 9
Framleiðsluár: 2009