Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sløkki Sam, Grísa Peppa og Uki.

"Snipp snapp" er hvørt mikukvøld, hóskvøld og um vikuskiftið.

Árgangur: 2.
Partur: 6. Ein snigil vitjar smábørnini. Fílur hjálpir einum lítlum storki at leita eftir pápa sínum.

Spurnarkapping ímillum 3. flokkar í skúlum kring landið.

Julie Berthelsen hevur stevnumøti við mannin, Minik, og tey skulu hittast eitt óvanligt stað- hjá tatovørinum. Fyri Julie og Minik er tatovering ein partur av grønlendska arvinum, í dag skulu tey bæði tatoverast. Martin Brygmann hevur eina serliga uppgávu saman við vinmanninum Ole Kibsgaard. Teir skulu spæla konsert fyri nøkrum foreldrum, ið eiga kroniskt sjúk børn - ein konsert, sum krevur stóra professionalismu, tá báðir tónleikarar mugu stríðast fyri ikki at tára. Jens Gaardbo vitjar føðibýin Frederikshavn og hittir gamlar floksfelagar, og teir práta um barndómsminni.
Framl.: Metronome Productions A/S
Framl. fyri: TV 2 DK
Framl.ár: 2019

Sverri Steinhólm skipaður í embætið.

Hósvíkingurin Helgi í Brekkunum hevur frá barnsbeini av havt stóran áhuga fyri seyði. Hann gekk burtur í haga í fleiri hagapørtum í bygdini. Og síðani hann seinast í áttatiárunum fór at røkta í heimbygdini, hevur hann miðvíst lagt seg eftir at fáa sum mest burtur úr seyðahaldinum. Hann var forvitin eftir at vita, um tað er rætt, at seyðurin í teimum kørgu fjallahøgunum hevur betri fiti enn aðrir hagar. Tá hann fekk møguleikan at kanna hetta, tók hann av. Segði læraraarbeiðið í Havn frá sær og tók við einum festi í heimbygdini. Neyva skrásetingin í sambandi við kanningina hevur givið seyðamanninum úr Hósvík møguleikar at gera fleiri aðrar niðurstøður, ið kunnu gagna føroyska seyðahaldinum.
Lagt til rættis: Tórður Mikkelsen.

Helgi í Brekkunum segði læraraarbeiðið í Havn frá sær og tók við einum festi í heimbygdini Hósvík fyri at kanna fitina í seyðakjøtinum. Hann fann út av, at lomb, ið fáa nógva mjólk frá mammuni til tey verða flett, hava
ósunnari fiti enn tey, ið eta nógv gras. Neyva skrásetingin í sambandi við kanningina hevur givið seyðamanninum úr Hósvík møguleikar at gera fleiri aðrar niðurstøður, ið gagna føroyska seyðahaldinum.
Tórður Mikkelsen gjørdi sendingina í 2003

Í 46 ár var hann knýttur at Havnar Kirkju bæði sum klokkari og deknur, og eisini sum kirkjusangari. Men í 1997 legði hann frá sær sum deknur og flutti av landinum saman við konuni Astrid. Tey fluttu til lítla danska býin Ruds Vedby uttan fyri Sorø, har bæði børn teirra hava búð í fleiri ár. Men Álvheygg var ikki bara virkin í kirkjuni, hann gjørdi eisini eitt stórt arbeiði í KFUM og í Bláa Krossi. Við Johannesi Álvheygg hvarv ein býarmynd í Havn.
Lagt til rættis: Bergljót D. Hentze

Sverri Steinhólm skipaður í embætið.

Føroyingar hava havt eina serliga drykkjumentan. Í 1907 var á fólkaatkvøðu samtykt at banna allari sølu og útskeinking av rúsdrekka í Føroyum. Hesin stongsulin stóð við í 85 ár. Einki annað land í vesturheiminum hevði so stranga rúsdrekkalóggávu. Frá 1908 til 1992 fekst ikki dropin til keyps í landinum uttan veikt føroyskt øl. Sterkari øl, brennivín og vín mátti bíleggjast úr útlondum. Skipanin var so mikið ólagalig, at bílagt var ofta í stórum. Av hesum stóðst mangan ótálmaður drykkjuskapur. Vóru menn í uppisetri, vóru góð ráð dýr. Nógvir seldu svart, men tað var ólógligt. Samstundis sum ráðini í 60-árunum batnaðu vaks rúsdrekkanýtslan í stórum. Serliga var tað hitt sterka ølið, sum føroyingar fóru at drekka. Í 1961 drukku føroyingar 175.000 litrar av øli, í 1969 540.000 litrar. Ølklubbar vórðu stovnaðir, men teir vóru bara fyri vaksnar menn. Ungdómurin rakst húsvillur í býnum. Eins og í forboðstíðini í USA í 20-unum vaks í Føroyum hesi árini fram stórur marknaður fyri ólógligari rúsdrekkasølu. Stórur forvinningur var hjá ídnastu svartabørssølumonnunum. Men teir spældu við eld, tí hetta var kriminelt virksemi. Í hesari fyrru sendingini um drykkjusiðir í Føroyum verður greitt frá allari tilgongdini fyri og eftir rúsdrekka- og útskeinkingarbannið í 1907, hvussu viðurskiftini broyttust komandi áratíggjuni, hvussu nýtslan og sølan á svarta marknaðinum vant upp á seg til politiið í 1973 gjørdi bart og fór í hernað móti tiltiknu svartabørsmonnunum í Kelduni í Havn.

Suni Merkistein og Hans Petur Hansen leggja til rættis.

Donsk sending frá 2021. Andlitið virkar! Vit senda 350 milliónir myndir á Facebook, deila 96 milliónir myndir á instagram, og 5 milliardir snaps á snapchat hvønn einasta dag, nógv eru myndir av okkum sjálvum. Men hví eru vit menniskju so upptikin av at avmynda okkum sjálv og deila við onnur?
Myndlistakvinnan Nadia Plesner leitar eftir svari.

5. september í 2012 varð ein bretsk familja funnin myrd í fronsku alpunum. Morðgátan er ikki loyst enn. Ein beiggi eitt av offrunum og fyrrverandi kanningarfólk kemur nú fram og fortelur søguna um tey gátuføru morðini og løgreglukanningina, sum tíggju ár seinni framvegis er í gongd.
Sesong: 1.
Partur: 1
Framl.ár: 2022
Aldursmark: 15