Skrá Sjón

Seinnapartin jólaaftan hevur verið siður, at børnini kunnu sessast framman fyri sjónvarpinum og í friði og náðum hyggja at hugnaligum og uppbyggjandi sjónvarpi, meðan bíðað verður, til tey vaksnu eru liðug.

´Meðan vit bíða´ -sendingin jólaaftan verður saman við okkara góðu vertum, Evu og Bjarka. Annars vera barna- og ungdómskór, Angela og Hannibal og teknifilmar at síggja.

Elin Dagbjartsdóttir framleiðir, og Elin á Rógvi er redaktørur.

Heilsunevndin er boðin til sýning í leikhúsinum. Megnar leikhúsið at vinna nóg mikið av peningi til húsaleigu?

"Emma var móðirin, sum veitti troyst - lyfti og lætti, tá svárast stóð til. Hennara vitan var ikki einans knýtt at einum embætisprógvi sum lækni, men hon hevði eisini eitt stórt innlit í menniskjasálina." Soleiðis skrivaði Frits Johannesen í føðingardagsgrein, tá Emma Winther 4. februar í ár (1998) fylti 80 ár.
Emma Winther var fyrsta kvinna, sum varð sett í fast starv sum kommunulækni í Føroyum. Sum kommunulækni í Fuglafirði hevði hon eisini bygdirnar Lorvík, Gøturnar, Oyndarfjørður, Hellurnar, Funningsfjørð og Elduvík. Tey fyrstu árini Emma var kommunulækni var einki vegasamband við bygdirnar norðanfyri, og tí veit Emma frá nógvum baldrutum túri at siga - bæði á sjógvi og um fjøll. Emma Winther var kommunulækni í Fuglafirði frá 1954 til 1980. Tá ætlaði hon sær at gerast bóndakona á Skarvanesi, har tey høvdu hús og jørð. Men á Skarvanesi var Emma bara í eina viku. So var hon aftur í læknaarbeiði. Fyrst sum avloysari fyri Poul Olsen í Runavík, og stutt eftir byrjaði hon sum røntgenlækni á Landssjúkrahúsinum. Har var hon í níggju ár - til hon varð pensionerað sum 72 ára gomul. Tá ið Emma gavst at arbeiða sum lækni, hevði hon ymisk frítíðarítriv. Hon vevaði, bant bøkur inn, skrivaði á teldu og annað.

Lagt til rættis: Ragnar A. Jacobsen og Tórður Mikkelsen.

Malan Johannesen las úr føðingardagsgrein hjá Frits Johannesen

Sendingin er frá 1998.
Emma Winther andaðist í 2016, 98 ára gomul.

Filmurin snýr seg um Mariu Guttesen, sum hvarv í 1966 sum 20 ára gomul. 50 ár seinni setur Agnas Petersen sær fyri at uppfylla dreymin hjá abba sínum - at finna útav hvat bleiv av Mariu.
Jákup Jacobsen, kendur rithøvundur í Evropa, var høvuðsmistonktur í málinum um horvnu Mariu, men prógv vórðu ongantíð funnin, ið kundu endaliga døma hann. Nýggjasta bók hansara er um ungar kvinnur, ið undir løgnum umstøðum hvørva.

Framl.: Pablo Merin

Ársins seinasta dag eru gøturnar í New York fullar av kærleika. Handilsmaðurin Sam (Josh Duhamel) vónar at finna eina kvinnu, hann hitti næstseinasta nýggjásaftan. Sangarinnan Elisa (Lea Michele) og nýggjárshatarin Randy (Ashton Kurcher) sita føst í einari lyftu. Smædni skrivarin Ingrid (Michelle Pfeiffer) biður Paul, ið er súkkluboð, um at hjálpa sær at fáa síni nýggjárslyfti at ganga út. Á føðideildini kappast tvinni foreldur um at vera fyrstu foreldur í tí nýggja árinum. Og tannáringurin Hailey (Abigail Breslin) vil sleppa frá mammu síni til Times Square og kanska fáa sín fyrsta koss.
Handrit: Katherine Fugate.
Leikstjórn: Garry Marshall.
Upprunaheiti: New Year´s Eve
Framleiddur í 2011

Í 1977 ferðaðist Egil Bakka í Føroyum og gjørdi filmsupptøkur av føroyskum dansi og dansispølum. Vit síggja hansara upptøkur við Eysturoyar dansifelagi frá Gøtugjógv og vit hoyra Sofus Foldbo og Andreu Opielka siga frá um upptøkurnar og um føroyskan dans og føroysk dansispøl í Eysturoynni.

Í 1823 varð fyrsta roynd gjørd at umseta Bíbliuna til føroyskt, men hon miseydnaðist. Hetta slóðaði tó fyri eini tilgongd, sum aldrin endar: Menningin av einum tíðarhóskandi føroyskum skriftmáli. Talan var um eitt týðandi arbeiði, tí móðurmálið gevur okkum serstøk amboð til at merkja og skilja heimin, sum vit liva í.
Carsten Fonsdal Mikkelsen fer aftur í tíðina og fylgir skiftandi ættarliðum og teirra stríði í at týða Bíbliuna til føroyskt. Hann ynskir at finna útav, hvussu tað gekk fyri seg, tá føroyskt langt um leingi varð innført í landsins kirkjum og samkomum.

Hennara hátign Margretha Drotning heldur nýggjársrøðu.

Nýggjárssending, har vit við samrøðum, tónleiki og beinleiðis innsløgum kring landið, líta aftur á árið, ið fer

Løgmaður vendir sær til okkara við nýggjárskvøðu.

Nýggjárssending, har vit við innsløgum og beinleiðis samrøðum, lodda dýpið á nýggjárshýrinum kring landið, og líta aftur á árið, ið fer.

Í februar 2023 setti Jens Jákup Hansen sær fyri at ganga upp á hægsta fjall í Afrika. Jens Jákup førdi videodagbók á ferðini.

Síðsti partur á ferðini niðan á Kilimanjaro. Vit herja á kl. hálvgum eitt um náttina í myrkri og 25 kuldastigum við merkinum í ryggsekkinum.

Føðingardagin hjá Miss Sophy skulu vit eisini hava, og kundi hent, at vit aftur hyggja spent, fyri at vita um James sleppur undan at detta um tikaraskinnið.