Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sløkki Sam, Sára og Dunna og L fyri lomb.

"Snipp snapp" er hvørt mikukvøld, hóskvøld og um vikuskiftið.

Prísvøkstur er evnið í fjórða og seinasta parti av Fólksins Rødd í hesi syftu.
Allir luttakararnir eru samdir um, at alt er dýrkað seinastu árini; men tað er ymiskt, hvussu tað rakar.

(The Truth About Slim People).
Ein av fýra bretum eru ov prúðir, men tað finnast eisini tey, ið eta tað, teimum lystir og eru ongantíð á klænkingarkuri, venja ikki - og megna at halda vektini. Hvat er loyndarmálið?
Bretska dokumentarsendingin roynir at finna svarið.
Sendingin fylgir 37 ára gamla Yemi og 41 ára gomlu Anne Marie, ið ivaleyst eta tað, teimum lystir - uttan at tyngjast. Vinirnir øvunda teimum, men hvat er tað í teirra máta at liva uppá, sum ger, at tey verða verandi kløn? Myndatól fylgja teimum í fimm dagar - til arbeiðis, heima og úti - síðani hyggja serfrøðingar at teirra vanum. Kanska ber til at sleppa undan yvirvekt á ein einfaldan hátt.
Upprunaheiti: The Truth About Slim People.
Framl.ár: 2017

Eingin hevur sett seg í samband við meg og spurt, um eg havi hjálp fyri neyðini.
Dokumentarrøð eftir Alexandru Pascalidou. Hvar er samfelagið, tá mest brúk er fyri tí? Hvønn stuðul fáa mammurnar, sum hava mist? Vit hitta mammurnar, sum hava upplivað tað ringasta - at missa eitt barn, ein mordari hevur tikið lívið av tí. Mammurnar tosa um deyðan, sorgina og missin, men eisini um kærleikan og hetta at megna at stríða seg víðari í lívinum.

Nøsin á Eriki fungerar verri eftir plastskurðviðgerðina. Johanna er ein av teimum, ið hevur havt stórar trupulleikar. Paulina hevur átt trý børn, hon fer til Tallinn fyri ein góðan prís, at fáa kroppin, sum hon hevði, áðrenn hon fekk børn, aftur. Samstundis sær Erik, at hann hevur brúk fyri terapeuti fyri at skilja orsøkina til, at hann so ofta hevur lagt seg undir skurð fyri vakurleikan. Man samband vera ímillum sálarligar trupulleikar og vakurleikaskurðviðgerð?

Í juli 1996 verður ein deyður maður funnin út fyri útsynningsstrondini á Stórabretlandi. Alt, sum kann eyðmerkja hann, er eitt Rolex-ur. Fyrst heldur løgreglan, at talan er um eina syrgiliga vanlukku, men eftir nærri kanning vísir tað seg, at bæði pengar, morð og mest eftirlýsti maður í Kanada eru uppií.
Upprunaheiti: The Chameleon: The Killing of Ronald Platt
Framl.ár: 2023
Aldursmark: 15