Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Mouk og L fyri lomb.
"Snipp snapp" er hvørt mikukvøld, hóskvøld og um vikuskiftið.

Matrøð, har ljós verður varpað á bíligan, burðardyggan føroyskan mat.

Í fyrsta parti vitjar Sunniva Gudmundsdóttir Mortensen plantuommuna í Nólsoy, sum millum annað ger mat burtur úr (g)ó(ð)krúti.
Kokkurin Sonni Zachariassen vísir okkum, hvussu hann ger gott soð burtur úr øllum millum himmal og jørð.
At enda verður vitjað heima hjá kondittaranum Malene Fischer Waag, sum ger dessert burtur úr avlopsfruktum.

Í eitt ár ferðast franski leikstjórin Lucas Frayssinet í Føroyum. Her møtir hann øllum árstíðum og siðvenjum, sum hoyra teimum til. Hyggjarin upplivir føroyska náttúru og mentan í ljósum summarnáttum, men eisini í vetrartíðini millum stormarnar í serstaka oyggjalandinum.

Hjólskúrurin skal flytast, reyðrøturnar skulu takast upp, áðrenn frostið kemur, men ikki er nógv undir - hinvegin eru søteplini heilt væl vaksin.

Plast í nøsina, størst bróst, skurðviðgerðir til tannáringar.
Erik hittir ein skurðlækna, sum skal fiksa honum nøsina. Malin vil hava størstu bróst í Svøríki. Alice heldur 18 ára føðingardag og saman við foreldrunum leggur hon ætlanir um at fáa nasaskurðviðgerð

Mong kalla tað forstaðir, vit kalla tað okkara heim.
Vit hitta mammurnar, sum hava upplivað tað ringasta - at missa eitt barn, ein mordari hevur tikið lívið av tí. Mammurnar tosa um deyðan, sorgina og missin, men eisini um kærleikan og hetta at megna at stríða seg víðari í lívinum.
Dokumentarsending eftir Alexandru Pascalidou. Hvat var tað, sum fór av kós? Hvussu ber tað til, hvussu kann tað koma so langt, at so mangar mammur skulu jarða síni børn? Hvør hevur ábyrgdina, og hvat halda mammurnar kann og eigur at gerast fyri at bjarga lívi?

Í 2007 sakk russiski trolarin Olshana við Flesjarnar. Í 2020 settu nakrir kavarar sær fyri at royna at kava niður til Olshanu, sum liggur á 70 metra dýpi. Bogi Krossteig, stigtakari sigur, at hetta er lívshættislig kaving, men hóast hetta vil hann royna tað. Saman við tveimum øðrum royna teir og taka hyggjaran við á hesa vandamiklu ferð.
Bogi Krossteig hevur lagt til rættis og Fríði Birgisson Olsen hevur staðið fyri upptøkunum og sett saman.