Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Mouk og L fyri lomb.
"Snipp snapp" er hvørt mikukvøld, hóskvøld og um vikuskiftið.

- Klumpabørnini eru í stjørnutorninum hjá Framskygda, tá tey brádliga síggja eitt stjørnuskot. Kipp ætlar sær at finna stjørnuskotið, hóast tað er myrkt úti.

Klumparnir eru lítil og fitt fólk, sum búgva í stóra Pippepla-trænum. Hóast tey altíð vilja øllum tað besta, gongur tað onkuntíð galið. Men alt er gott, sum endar gott. Og hjá klumpunum endar tað lukkutíð altíð gott.

9.partur 3.umfar:

Viðhvørt kann tað vera hugnaligt at fara út at eta, hóast tú bara fert inn í eitt annað hús. Vinus og Vimús fara eisini út at eta á ein sera snildan hátt. Eitt er vist, tað er snilt at hava matpakka ella kurv við. Og so ber til at spæla, sum um farið verður út at eta, - inni!
Bókin, sum dettur úr hillini, er um at eta ertrar.
Og tá Vimús fer ørindi, kemur Vinurin á vitjan, og so fara Vinus og hann at syngja og spæla ein góðan sang. Hesa ferð er sangurin um ein høsnarunga og ein annan unga.
At spæla við høsnaringar er eitt stuttligt spæl. Teir eru í nógvum litum. Og øll kunnu spæla við.
Eisini bamsur. Smáteknifilmarnir, ja, teir eru aftur at síggja hesa ferð.
Tíbetur er altíð nógv at tekna hjá Vinusi, og Vimús sigur, hvat hann skal tekna.
Og so: Góðan morgun dag gott kvøld góða nátt ? og farvæl!

At brúka til etispælið og høsnaringaspælið: Kurv. Spælimat. Høsnaringar.

Tað gerst lýggjari í garðinum, og eitt sitipláss, sum hevur fingið íblástur frá Miðalhavinum er í umbúna. Tareq Taylor hevur ætlað at gera eina heimadyrkaða máltíð, men heystingin hyldnast ikki so væl, sum hann hevði vónað. 5. partur av 9.
Broadcast Company SVT

Urtagarðurin hesa ferð er inni á Strondum hjá Evu Andersen, sum man eiga størsta urtagarð í Eysturoynni. Hon fer at geva okkum góð ráð um grasplenuna, um kálk, taðing, hvussu kantarnir skulu skerast, hvørji amboð eru tey bestu osfr. Nú skulu rósurnar eisini skerast, so tað fer hon eisini at vísa okkum. Seinast í mars vóru vit inni hjá Evu og sáddu
ymiskar summarblómur í bakkar, nú er tað vaksið so mikið, at tíð er at at planta um.

Gjørt sendingina: Bergljót D. Hentze og Ragnar C. Joensen.

Í hesi sendingini frá Channel 4 í Onglandi fylgja vit við, tá nakrir av dugnaligastu kondittarum gera kakur av serligum slag til krevjandi kundar.

Mong slitin pløgg kunnu bjargast við at fara væl um, røkta tey væl. Mia Holm, ið fæst nógv við klæði, gevur góð ráð um, hvussu tú fært klæðini at halda betur. Lena brúkar regnvatnið í urtagarðinum og plantar fleiráraplantur, sum eru etandi.
Broadcast Company: YLE.

Maren tekur beist og eigararar við sær til fjals. Her vísa royndirnar, at kærleiki er langt frá nóg mikið, um tú vilt hava gott samband við hundin.
Broadcast Company NRK.

Jørgen og Nikolaj eru farnir til Kap Verde úti fyri afrikansku vesturstrondina. Teir ætla sær at veiða perluhønu saman við lokalum. Men góður kunnleiki skal til, um mann skal gera sær vónir um at fáa fong. Og Jørgen er ivasamur bæði viðvíkjandi byrsuni, hann hevur lænt og veiðiháttinum. So spurningurin er, hvat verður á borðinum tann leskiliga perluhønan ella tann minni góði úlvfiskurin.

Louise er einsamøll við soninum og droymir um at flyta aftur til heimligu oynna Lolland. Tí við einum eitt ára gomlum soni, má hon sanna, at tørvur er á hjálp. At vera aftur á Lollandi fær størri týdning, enn Louise var greið yvir. Frigg og Anders hava serlig krøv til komandi heimið. Anders hevur brúk fyri 100 kvm stórum bilhúsi og verkstað. Men tað skal samstundis vera í sethúsaøki nær við stovnar, tí Frigg er upp á vegin og hevur ikki hug at búgva á bygd.
Vertir: Sara Lygum og Christian Borregaard.
Sesong: 16.
Partur: 2.
Framl. ár: 2024
Framl.: Mastiff A/S
Framl. fyri: TV 2 DANMARK

Gordon Buchanan, skotskur náttúrumyndamaður, ynskir inniliga at læra at skilja villa úlvin. Tí fer hann til Ellesmere Island at leita eftir úlvum, sum aldri hava sæð fólk fyrr. Stutt eftir kemur hann nær eini hvítúlva-familju og úlvarnir góðtaka hann, eisini tíkin Luna og teir tríggir smáu hvølparnir.
Lagt til rættis: Gordon Buchanan.
Upprunah.: White Wolf Family & Me.
Framleiðsluár: 2013.

Hvussu veiða tey djór, sum viga eitt tons, við skutli og hundatoymi? Jens og Isak fáa eina stóra uppliving við náttúru og inuittmentan í Grønlandi. (1:5) Sesong 1.
Broadcast Company NRK

Bodil Jørgensen er ein av kendastu og fjølbroyttastu sjónleikarum í Danmark og millum tey fáu, ið dugir alt frá daprasta álvara til láturligasta humor, sum eisini kann fara um mark. Í sendingini fáa vit at vita um lívið og karrieruna hjá Bodil - frá tí hon var reyðhærda happiofrið til í dag, nú hon er ein tann mest eftirspurdi sjónleikarin í landinum.
Framl. ár: 2023

Útlendsk ferðafólk koma í alsamt størri tali til Føroya at uppliva okkara vøkru oyggjar. Nøkur ferðafólk koma higar bæði fyri at uppliva og samstundis geva nakað afturfyri.
Í fimm ár hava 100 sjálvbodnir útlendingar og hálvthundrað føroyingar á hvørjum ári arbeitt saman í tveir dagar í ymsum verkætlanum kring landið og hildið gamlar bygdagøtur við líka, gøtur sum vóru lívsneyðugar, áðrenn vegir komu millum bygdir, tey hava skeltað og annað, so lættari er at ganga og at finna millum bygdir.

Tiltakið verður aftur nú í mai, men í fjør vár var Sjónvarpslið við og fylgdi einum bólki við fólkum úr nógvum ymiskum londum, sum hampaðu gøtuna niðan á okkara hægsta fjall, Slættaratind. Ein annar bólkur umvældi gomlu gásadalsgøtuna, sum framvegis verður nógv brúkt, sjálvt um tunnil nú er til Gásadals.

Lagt til rættis: Tórður Mikkelsen og Jakob Jørgensen

Kringvarpið sendi beinleiðis frá finaluni í tónleikakappingini Sement, sum var hildin í Reinsarínum í Havn í gjárkvøldið.


Ungdómstoymið Biit framleiðir beinleiðis sjónvarpssendingina.
Biit-toymið stendur fyri øllum. Tað merkir, at alt frá vertum til kamerafólk og framleiðara eru ung fólk, sum eru knýtt at ungdómstoyminum.