Skrá Sjón

Selma og tey fara út í myrkrið at leita eftir jólamanninum! Vetur er ikki blíður, tá hann uppdagar, at bollaforboðið ikki verður hildið, og hann steingir bakaríðið hjá Hjartrún.

Fáa tey í Snæfalli tíð at lesa øll brøvini og blása allar jólakúlurnar, so vegurin til VU letur seg upp?

Endiliga er jólaaftan, munnu tey náa fram til Vu, og verður jólagleði hjá øllum? Selma má gera av, um hon fer aftur til VU, ella um hon skal verða verandi í Snæfalli.

Øll gleða seg til jóla og fáa næstan ikki sovið av spenningi. Á einum radara sær Reiðar, at jólamaðurin og reindjórini hava kós móti Ævintýravík, men knappliga hvørva tey av skíggjanum. Løtu seinni ringir hjá Reiðari - tað er jólamaðurin! Hann rendi seg beint í eina kavaódn, og sleðan datt niður. Reindjórini eru rýmd, fleiri gávur eru burtur, men ringast av øllum er, at jólastjørnan fór í fallinum. Uttan jólastjørnuna ber ikki til at flúgva við sleðuni. Hesa ferð er brúk fyri øllum labbum. Jólamaðurin stúrir fyri, at hann ikki nær til øll við jólagávunum. Men við góðum kreftum sæst ein glotti.

Jólini nærkast, og forrætningsmaðurin Howard Langston (Arnold Schwarzenegger) hevur alt ov nógv at gera til at vera saman við síni lítlu familju. Hann hevur so optimistiskur lovað soninum ársins mest ynsktu jólagávu, Turbo Man, men nú eru jólini longu so nær, at tað mesta av leikutoynum er útselt. So nú eru góð ráð dýr. Hvussu kann hann bjarga jólunum?
Leikarar: Howard Langston: Arnold Schwarzenegger, Myron Larabee: Sinbad og Ted Maltin Phil Hartman. Við eru eisini: Liz Langston: Rita Wilson. Jólamaður: James Belushi. Løgr. maður Hummell: Robert Conrad. Jamie Langston: Jake Lloyd. Handrit: Randy Kornfield.
Leikstj.: Brian Levant.
framl.ár: 1996
Aldursmark: 7

Árliga jólakonsertin í Ebenezer í miðbýnum í Havn.
Á skránni er Ebenezerkórið og gentukórið Aloe, umframt solistarnir, Erla Bech Nolsøe, Bárður á Lakjuni, Marjun Wolles og Bárður Tindskarð.

Chuck Noland heldur jól saman við unnustuni Kelly, tá hann knappliga verður kallaður til arbeiðis. Chuck vissar Kelly um, at hann verður skjótur aftur, men tað verður hann ikki, tí flogfarið, hann er við, dettur í havið. Bara Chuck kemur frá vanlukkuni við lívinum og endar á einari oydnari oyggj. Hvør dagur er ein bardagi fyri at liva, men av tí at hann so inniliga ynskir sær at koma heimaftur til Kelly, megnar hann at stríða seg gjøgnum dagarnar. Chuck verður á oynni í fleiri ár, og so við og við fer hann at ivast. Fer tað at eydnast honum at halda seg á lívi, til hann verður funnin? Og um so er, hvussu er vorðið heima? Hevur unnustan funnið sær ein annan mann?
Leikarar: Tom Hanks, Helen Hunt, Nick Searcy, Christopher North, Lari White og Geoffrey Blake.
Leikrit: Williams Boyles Jr.
Leikstjórn: Robert Zemeckis.