Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, hóskvøld og um vikuskiftið.

Spurningurin um rættin hjá djórum til eitt gott lív er farin at skapa stríð millum bæði djóragarðseigarar og granskarar. Ein enskur djóragarðseigari vil lata djóragarðarnar í Evropa aftur, hóast hann sjálvur rekur tveir djóragarðar. Í Svøríki halda djóragarðarnir sjálvir uppá, at tørvur er á teimum meira enn nakrantíð. Samstundis eru afturvendandi gølur við rýmdum djórum og dripnum djóravørðum. Kanst tú vitja djóragarðar við reinari samvitsku? Hvat er veruliga satt um djórini í búrunum? Eru djóragarðar vernd fyri lívfrøðiligt margfeldi og týdningarmikla gransking? Ella er tað ein avoldaður og ómoralskur máti at skapa undirhald? Kann nútímans gransking geva svar?

Í ár verður Nýggjárskonsert við Føroya Symfoniorkestri og Kóri í Norðurlandahúsinum aftur at síggja í sjónvarpinum.
Bernharður Wilkinson stjørnar og svenski sopranurin Susanna Andersson verður solistur á konsertini, har vit hoyra undirhaldandi og álvarsligan tónleik frá m.a. componistunum Leonard Bernstein, John Williams, Felix Mendelssohn og mongum øðrum.

Tróndur Olsen og Elin Michelsen eru vertir.

Danska umhvørvislógin slær fast, at Danmark skal ganga undan, tá ið um umhvørvið ræður og geva íblástur og ávirka heimin allan. Men er tað at ganga undan, tá landið hvørt ár innflytur og brennur fleiri milliónir tons av timbri, ella lumpa danir seg sjálvar? Tí hóast tey flestu hugsa um vindmyllur og sólsellur, so eru tveir triðingar av varandi orkuni úr sokallaðum "biomasse" (lívmegn). Høvuðsparturin av hesum er træ. Spurningurin er, um tilfarið, sum verður innflutt sum flis o.a hevdi verið betri brúkt til annað endamál enn brenni? Og hví stuðlar Danmark træbrenni, tá leiðandi serfrøðingar ráða til at taka stuðulin burtur og heldur leggja avgjald á, so minni verður brúkt av hesum?

? Framl.ár:2024

Í lítlu bygdini Ebbing í Missouri er dóttir Mildred Hayes (Frances McDormand) dripin. Eftir fleiri mánaðir uttan handtöku í málinum, tekur Mildred málið í egnar hendur. Hon leigar trý risastór lýsingaskelti við innkomuna til býin og setir skelti upp, sum ákæra býarsheriffin Willoughby (Woody Harrelson) fyri ódugnaskap. Hetta gerst atvold til eitt stríð millum hana og løgregluna - men fær eisini løgregluna at savna seg um málið aftur. Kann hon sjálv - ella løgreglan - finna drápsmannin? Filmurin var tilnevndur til sjey Oscars - og vann tveir.
Upprunaheiti:T hree Billboards Outside Ebbing, Missouri
Leikandi: Mildred Hayes: Frances McDormand, Bill Willoughby: Woody Harrelson og Jason Dixon: Sam Rockwell. Eisini luttaka: Charlie: John Hawkes. James: Peter Dinklage. Anne Willoughby: Abbie Cornish. Penelope: Samara Weaving. Handrit og leikstjórn: Martin McDonagh.

Framleiðsluár: 2017
Aldursmark: 15