Skrá Sjón

Á ránsmannaborgini í Mattasarskógi bíða tey spent hesa toruveðursnáttina.
Tí í nátt kemur barnið í verðina, - komandi ránsmannaleiðarin!!

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Mouk, Elias og L fyri lomb.
"Snipp snapp" er hvørt mikukvøld, hóskvøld og um vikuskiftið.

Vinus og Vimús baka. Og øll kunnu læra seg. Uttan at brenna seg av nøkrum heitum ovni. Bara brúka ein ikki hvassan knív, og bara kanska stoyta eitt lítið sindur av mjólk.

Vinus dugir at minnast til alt og savnar alt saman, sum skal brúkast; hvat skal fyrst í, og hvat skal aftaná. Og so smakkar tað væl eisini.

Tað er væl funnið uppá, og tann góða bókin datt knappliga úr hillini, og tað er um eina kráku, sum dámar væl at savna saman. Tað er ´Lítla kráka samlar´.

Tá ið Vimús er farin eftir hugskotinum hjá sær, so kemur Vinurin. Hann má ansa væl eftir, tá hann klívur inn, tí tær leskiligu kúlurnar, sum Vinus og Vimús hava gjørt, liggja í einari skál í vindeygakarminum. Men tá Vinurin hevur funnið eitt ljóðføri inni hjá Vinusi, so fara teir at syngja og spæla ein bakisang, og Vinurin spælir uppá grýtir og lok og annað úr køkinum.

Vinus og Vimús eiga lummalyktir. Vinus eigur tvær. Og tá ljósið fer, so er gott at eiga lummalyktir. Og Vinus dugir at gera skuggar í ymsum litum. So tann bláa lummalyktin lýsir blátt, tann reyða lýsir reytt, og tann grøna lýsir grønt. Og so spæla Vinus og Vimús eisini skuggaspæl. Tað er lætt at gera.
Vinus smekkar høvdið í bókahillina, og so dettur bókin. Tað er góða bókin um Lítla Lávus, sum ikki er so illur kortini.
Aftur hesa ferð kemur Vinurin, hann klívur inn gjøgnum vindeygað, men hevur heldur einki ljóðføri við hesa ferð, og so fer hann at lána okkurt frá Vinusi. Teir fara at syngja og spæla um Óla, sum eisini eigur eina lummalykt.

Kom við á ferð í føroysku fjøllunum og náttúruni saman við Jens Jákupi Hansen, fotografi í Kringvarpinum. Teir ymisku túrarnir eru tiknir upp 1:1. Tað vil siga, at túrurin tekur ta tíðina, tú sært í upptøkunum.

James og Adam Price venja seg skjótt við lívið sum ferðandi við ferðamannaskipi í Miðalhavinum. Eftir ein dag til sjós leggur tað stóra skipið at í Piræus - portrið til høvuðstaðin í Grikkalandi, Athen, har brøðurnir m.a. gera siðbundi "Souvlaki" á nýggjari grill hjá Buller framman fyri Akropolis.

Í sendingini fylgja vit Agnes Mols Mortensen í átta ár ? frá tí, hon kom aftur til Føroyar eftir lokna útbúgving í USA, og fram til í dag. Vit síggja hvussu fyritøkan "Tari" hevur ment seg frá at vera ein lítil verkætlan, sum byrjaði í einum køliskápi í kjallaranum, til í dag, har fyritøkan er vorðin stór og framkomin.
Eir í Ólavsstovu hevur lagt sendingina til rættis.

2. januar 2025 andaðist tann litríka Jytte Abildstrøm sjónleikari og teaturstjóri. Jytte Abildstrøm hevði frammanundan tosað við Mikael Bertelsen um sítt lív.

1980 árini í Bretlandi vóru sera trupul - men lívið gongur sína gongd við litríkum klæðum og síðum hári. Her hitta vit Javed, sum var bretskur tannáringur við pakistanskum uppruna, hann stríðist í skúlanum og ikki minst við forelskilsi, rasismu og sín konservativa pápa og hansara tvørballuta hugburð. Hann finnur tó nýggjan íblástur, tá floksfelagin spælir ´The Boss´. Bruce Springsteen og hansara tónleikur geva Javedi mót til at práta við gentuna, sum hann hevur hug á - og til at liva sítt lív soleiðis, sum hann hevur hug til.
Upprunah.: Blinded by the Light
Leikarar: Javed: Viveik Kalra, Malik: Kulvinder Ghir og Eliza: Nell Williams. Við eru eisini: Noor: Meera Ganatra. Ms Clay: Hayley Atwell. Mr Evans: David Hayman. Handrit: Gurinder Chadha, Paul Mayeda Berges og Sarfraz Manzoor. Leikstj.: Gurinder Chadha.
Framl. ár: 2019
Aldursmark: 7