Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, hóskvøld og um vikuskiftið.

Ghita Nørby lítir aftur á klipp úr einum longum lívi á almenna leikpallinum og fortelur um einsemi, torfør hjúnaløg m.a.. Huxi Bach hyggur at sær sjálvum, tá hann var nýggjur sjónvarpsvertur. Og hann svarar Ceciliu Frøkjær, hví hann ofta hevur svarað uttanum, tá hon hevur spurt hann.

? Vertur: Cecilie Frøkjær. Við eru: Ghita Nørby og
Huxi Bach.
? Sesong:3.
? partur:2.
? Framl.ár:2023
? Framl.:Bermuda
? Framl. fyri:TV 2 DANMARK

Kavaralærarin Jesper er mitt í eini kaving, tá ógvisliga flóðaldan rakar. Hann gloymir aldri sjónina, tá hann fer í land í oynni Phi Phi. Aldan tekur 14 ára gomlu Line, og mamma hennara verður rivin burtur. Line heldur seg vera einsamalla eftir í verðini, men krøkir seg í vónina um, at foreldrini liva.

? Sesong:1.
? Partur:2.
? Framl.ár:2024
? Framl.:TV 2 DANMARK
? Aldursmark:15.

27 ára gamla Louisa Clark (Emilia Clarke) býr í eini vakrari bygd og skiftir ofta arbeiði. Fyri at fáa endarnar at røkka saman, tekur hon á seg arbeiðið at røkta ríkmannin Will Traynor, sum situr í rullistóli. Hann hevur verið negativur og beiskur um alt, síðan hann gjørdist óhjálpin eftir eina álvarsliga vanlukku. Louisa avger, at hon skal vísa honum, at lívið hóast alt er vert at liva.
Filmin leikstjórnar Thea Sharrock, og Emilia Clarke, kend úr sjónvarps-røðini ´Game of Thrones´, hevur høvuðsleiklutin.

Leikarar: Louisa Clark: Emilia Clarke, William Traynor: Sam Claflin og Camilla Traynor: Janet McTeer.
Við eru eisini: Steven Traynor: Charles Dance. Patrick: Matthew Lewis. Nathan: Stephen Peacocke. Katrina Clark: Jenna Coleman. Alicia: Vanessa Kirby. Bernard Clark: Brendan Coyle.
Handrit: Jojo Moyes eftir síni egnu skaldsøgu.
Leikstj.: Thea Sharrock.
Upprunaheiti: Me Before You
Framl. ár: 2016

USA undir øðrum veraldarbardaga. Ungi Desmond T. Doss (Andrew Garfield) vil fegin verða lækni og fer sjálvboðin í herin sum sjúkrarøktari. Hann er friðarhugaður og noktar at bera vápn, hóast yvirmenninir halda tað vera býttligt og ábyrgdarleyst. Men hann fær loyvi at tæna landinum, og undir tí stóra bardaganum á Okinawa eydnaðist honum at bjarga 75 av sínum medhermonnum - uttan sjálvur at taka eitt einasta lív hjá fíggindanum. Filmurin byggir á veruligar hendingar. Oscar-vinnandi sjónleikarin og leikstjórin Mel Gibson (Braveheart) leikstjórnaði.
Við eru: Desmond T. Doss: Andrew Garfield, Dorothy Schutte: Teresa Palmer og Sergent Howell: Vince Vaughn. Við eru eisini: Smitty: Luke Bracey. Kaptajn Glover: Sam Worthington. Tom Doss: Hugo Weaving. Bertha Doss: Rachel Griffiths. Harold Doss: Nathaniel Buzolic. Handrit: Andrew Knight og Robert Schenkkan. Leikstj.: Mel Gibson.
Framl. ár: 2016
Aldursmark: 15