Skrá Sjón

Í sendingini hitta vit fitta vinin Vinus, sum dugir væl at finna uppá og siga frá. Inni hjá Vinusi er hugnaligt, veggirnir eru litfagrir, og hann eigur nógvar bamsur og nógv leiku at spæla við. Og góðar bøkur.
Í eini holu undir hillini býr Vimús. Vinus og Vimús eru vinir, hóast Vimús er ein mús. Alt sum Vinus eigur og finnur uppá, tað eigur Vimús eisini, ella næstan sama slag.

Hvørja ferð finna Vinus og Vimús upp á okkurt nýtt at vísa øllum. Sumt er torført at gera, sumt er torført at finna, og sumt er nokkso torført at siga. Alla tíðina ber til at læra seg at siga øll orðini, hóast tey eru torfør.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sløkki Sam og Sára og Dunna.
"Snipp snapp" er hvørt mikukvøld, hóskvøld og um vikuskiftið.

Noomi í Dali er tekstildesignari og starvast sum námslektari og granskari á Fróðskaparsetrinum.

Framløgan hjá Noomi í Dali snýr seg um klædnapløgg frá skipinum Onnu Mariu, ið sigldi fyri Kongliga Handilin og varð rænt í september 1807 út fyri norsku strondina og ført til London.

Í samband við landsinnsavningina hjá MEGD 25. mei, senda vit sendingar úr savninum, ið á onkran hátt snúgva seg um limir ella limafeløg hjá MEGD.

Hvørt ár eru ímillum 700 og 800 føroyingar í viðgerð á psykiatriska deplinum á landssjúkrahúsinum. Summi verða innløgd á opnari deild, onnur á stongdari deild, og uppaftur onnur koma í viðgerð uttan nakrantíð at flyta inn í gráu bygningarnar. Sendingin lýsir gerandisdagin á deplinum og fylgir bæði sjúklingum og starvsfólkum. Hví endaði ungi maðurin her úti? Hví ganga sálarfrøðingar til sálarfrøðing? Hví koma summi ikki út aftur í samfelagið? Og hvat sigur man við eitt menniskja, sum umhugsar sjálvmorð?
Lagt til rættis: Heini í Skorini.

Kala og Kumar eru ættleidd til Danmarkar á fullkomiliga lógligan hátt í 1980. Tað halda bæði tey og Jørgen og Annette, sum tey vaksa upp saman við í Århus. Men nógv ár seinni fer Kumar til India at ferðast, har finnur hann mammuna - og hoyrir søguna um, hvussu børnini vórðu tikin frá henni. Í dag situr øll familjan eftir við spurninginum: Hví løgdu danskir myndugleikar ikki uppí?

Vanliga er Lars Findsen leiðari í eini fregnartænastu, sum eygleiðir og avhoyrir borgarar fyri at verja trygdina í Danmark. Men brádliga er tað Lars Findsen sjálvur, sum fregnartænastan avlurtar, uttan at hann veit av tí, og eftir tað verður hann handtikin. Í 71 dagar er hann fongslaður, meðan søgan gerst meira og meira litrík.

Hjá Line Hansen og Dan Kristensen í Roskilde veksur kenslan av máttloysi. Ein gátuførur maður er komin inn í heimini hjá familjum í meira enn fimm ár og hevur nortið við føturnar á børnum. Í fleiri førum kom løgreglan ikki út at tryggja møgulig spor ella hava eftirlit. Óttin fyri, at tað fer at enda illa hjá øðrum børnum, økist.

? Sesong:1.
? Partur:3.
? Framl.ár:2025
? Framl.:TV 2 DANMARK
? Aldursmark:15

Sten Lundager var ein av størstu hassjsmuglarum í Danmark. Hann livdi tað góða lívið og vann sær nógvan pening, men lívið sum brotsmaður hevði sín kostnað fyri hann sjálvan og onnur. Eftir at vera flýddur úr USA, búsetir hann seg á sponsku Costa del Sol, har hann krógvar seg fyri Interpol og byrjar eina heilt nýggja smuglaraleið. Meðan tað í Danmark er orðaskifti fyri og ímóti at legalisera kannabis, er Sten eiturkoppurin í einum smuglarneti av marokkanskum hassbøndum, hasskurerum úr øllum Evropa og handilsmönnum og stuðlum í Danmark. Men kann tað halda fram at ganga væl?