Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.
"Snipp snapp" er hvørt mikukvøld, hóskvøld og um vikuskiftið.

Eitt summar fyrst í 00unum fluttu fólk aftur til útdeyðu bygdina Múla á Borðoynni. Tríggjar vanligar føroyskar familjur tóku av avbjóðingini at búgva í Múla í eina viku. Eitt upptøkulið frá Studio Pegasus fylgdi fólkunum hesa vikuna. Í fyrru sendingini úr Múla síggja vit, hvussu tað gongur, tá fólkini koma til bygdina. Tey skulu flyta inn og fáa sínar fyrstu uppgávur.

Binding hevur rættiliga fingið comeback! Verturin Ane Cortzen vil hava greiðu á, hví so nógv fólk eru mestsum bundin av at binda. Og við hjálp frá m.a. bindi-rebellinum Lærke Bagger og kvinnuni aftan fyri Petiteknit, Mette Okkels, verður hon sjálv bundin av at binda.

Tann frísinnaða Maggie Murdock (Anne Hathaway) sær tann sjarmerandi Viagra-sølumannin Jamie Reidy (Jake Gyllenhaal) sum sín perfekta maka. Tey gerast par og púra bundin av kærleikanum til hvønn annan. Men alt er ikki lukka - Maggie hevur eitt loyndarmál.

Leikarar: Jamie Reidy: Jake Gyllenhaal, Maggie Murdock: Anne Hathaway og Bruce Winston: Oliver Platt.
Framl. ár: 2010
Aldursmark: 11

Tríggir løgreglumenn arbeiða í sama øki í Brooklyn, men teir kenna ikki hvønnannan. Eddie Dugan (Richard Gere) er eina viku frá pensjónini, men hevur sæð so nógv lógloysi og nógva neyð, at hann drekkur og er vónbrotin. Tango (Don Cheadle) hevur arbeitt sum loyniløgreglumaður so leingi, at hann er farin at ivast í, um hann heldur við starvsfeløgunum ella við vinmanninum og narkosølumanninum Caz (Wesley Snipes). Og narkoløgreglumaðurin Sal (Ethan Hawke) stríðist móti freistingini til at stjala nakrar av narkopengunum, sum kunnu tryggja familjuni eitt betri lív. Tá løgreglan herjar á eitt grannalag, sum er kent fyri sølu av rúsevnum í stórum tali, enda teir tríggir í einari ótýdligari ringrás av harðskapi og rotinskapi.

Upprunaheiti: Brooklyn´s Finest
Framleiðsluár: 2009