Skrá Sjón

Líggjas hevði gloymt at læsa heima, og tí mátti hann skund sær heim ? og Julius slapp við, mínsann. Og hann slapp at sita uppiá aftanfyri. Tað er ikki loyvt, men eingin sær Julius álíkavæl, so tað gekk. Lucky Luke- blaðið fekk Julius loyvi at lána frá Líggjasi. Og nú fara báðir aftur til stroks ? aftur í steinin.

Sendingina gjørdu: Jákup Veyhe, Páll Danielsen, Regin D. Patursson, Hans Petur Hansen, Hallur E. Thomsen, Bjørg Mohr Andersen, Turpin N. Djurhuus, Øssur Hjalt, Hans Christian Clementsen, Johannes Danielsen og Thomas Koba.

Í dokumentarrøð í trimum pørtum frá 2020, verður ljós varpað á menningarsøguna í føroyskum fótbólti. Sagt verður frá bráða skiftinum frá avbyrging og kyrru í drúgt áramál til stóra lopið í 1990 upp á Stórapall úti í Evropa. Vit flyta okkum eftir fáum árum frá áhugafótbólti á ringum grúsvøllum og ongum regluligum dystum móti fremmandum liðum til altjóða FIFA-limaskap í 1988. Hugsjónir birtast tíðliga í 70-árunum. Nýggi formaðurin í fótbóltsdeild ÍSF´s loysir úr lagdi. Fyrsta umsóknin um limaskap í FIFA verður send úr Føroyum í 1974. Fyritreytirnar eru ikki tær bestu. Eitt sersamband fyri fótbólt, og leikvøllir við øðrum undirlagi enn grúsi eru treytaleys krøv fyri limaskapi. Og so er tað ríkisrættarstøða okkara. Nú byrjar eitt drúgt stríð fyri sjálvstøðugari umboðan í altjóða kappingum millum allar hinar. Smátt gongur. Eitt er, at danska fótbóltssambandið er ikki sinnað at ganga føroyska ynskinum um limaskap í norðurlendsku samgonguni á møti, annað er, at tað valdar yvirhøvur líkasæla í Føroyum um hetta mál. Føroyingar fjeppast meira uppi í tí góða danska landsliðnum í 80-árunum enn sínum egna landsliði, tá vinardystir hendingaferð eru móti Íslandi ella Hetlandi. Men eldsálir eru, ið støðugt stríðast fyri at fáa føroyskan fótbólt upp úr deyðavatni og vinna honum nýggjar og mennandi avbjóðingar.
Lagt til rættis: Suni Merkistein.
Fotografur og klippari: Jónfinn Stenberg.

Í ársins fyrsta parti vitja vit aftur hjá nøkrum av okkara fyrrverandi húsdroymarum, sum framvegis eru í holt við síni byggiævintýr.
Torkel og Ayla í Onsala standa frammanfyri avbjóðingini at gera ein svimjihyl lidnan ? men klárar hann veruliga at halda til 30 tons av vatni?
Amber og Uffe, sum vit minnast frá gamla eternithúsinum í Vestur-Klappe, tykjast ongantíð at fáa nóg mikið av nýggjum verkætlanum.
Og í Raby síggja vit aftur Negin.

Í luftini er sjónvarpsrøð við tónleiki og práti úr Kringvarpshøllini.

Í sendingini tosa vit við fløguaktuellar tónleikarar, og tey framføra nøkur løg av nýggjastu útgávuni. Hesa ferð er Kóboykex gestur.

Sendingin er gjørd í samstarvi við Faroe Music Export.

Nógvar kristnar samkomur fylgja Bíbliuni orð fyri orð og arbeiða virkin ímóti hjúnaskilnaði. Alina livdi í einum harðligum hjúnalagi og vildi skiljast, men samkoman boðaði frá, at tað ikki fanst grundarlag fyri skilnaði. Jere giftist ungur og var sannførdur um at Gud hatar hjúnaskilna. Finska lógin er greið: øll hava rætt at skiljast. Bíblian er eins greið: skilnaður er ímóti Guds vilja.

Við Peter Ingemann til glíming - í Orlando í USA, sum í ár er vertsbýur fyri heimsins størstu kapping á økinum - Wrestlemania.
Framl.: Heartland
Framl. fyri: TV 2 DANMARK
Framl. ár: 2017