Skrá Sjón

Líggjas hevði gloymt at læsa heima, og tí mátti hann skund sær heim ? og Julius slapp við, mínsann. Og hann slapp at sita uppiá aftanfyri. Tað er ikki loyvt, men eingin sær Julius álíkavæl, so tað gekk. Lucky Luke- blaðið fekk Julius loyvi at lána frá Líggjasi. Og nú fara báðir aftur til stroks ? aftur í steinin.

Sendingina gjørdu: Jákup Veyhe, Páll Danielsen, Regin D. Patursson, Hans Petur Hansen, Hallur E. Thomsen, Bjørg Mohr Andersen, Turpin N. Djurhuus, Øssur Hjalt, Hans Christian Clementsen, Johannes Danielsen og Thomas Koba.

Bjørt Fríða Johnsdóttir Anroniussen er hesaferð tann, ið er í vangamyndini. Hon býr í Húsavík á Sandoynni, og veit at siga og fortelja um alt møguligt í bygdini. Vistu tit, at sólin fer undir fjallatromina um veturin? At har eru gomul hús, sum enn eru til og sum Húsfrúgvin í Húsavík búði í? Suðuri á lendingini eru listarverk í brimgarðinum, og har kann vera vandamikið at fara.

Og mínar Damur og Harrar...... Hundurin líkist...?...ja, hvørjum?.....tað eru litrík klæði, hann er í, men so .... kanska?

Og NÚúúúúúú...... er gyklarin í køkinum. Hesaferð brúkar hann eina fløsku og ein tveyhundraðkrónuseðil.

Og góð hugskot til matpakkan ella hugaløtuna eru alt í einum eisini at fáa.

Kob og Felisia duga at brúka knívarnar væl, so skorin frukt verður sett fram á borðið.

Vertinnan í sendingini er 11 ár, tað er Felisia J. Helmsdal.

Lagt til rættis: Elin Dagbjartsdóttir og Páll Danielsen.

Í røðini verður hugt at Føroyum og føroyingum úr einum nakað øðrvísi, og kanska eitt sindur meira skemtiligum sjónarhorni enn vanligt. Her møta vit tjóðskaparmanninum Haraldi, konuni Pernille, og dóttrini Søs, sum øll búgva í Keypmannahavn. Her er tann illi Sofus, tann einsami Niels, tann samkyndi Kjartan, tey lekru Remi og Rosely, teir smørtu reportararnir Olgar og Randi ? og mong, mong onnur. Væntandi fara tey flestu at kenna seg aftur í onkrum av hesum persónum, sum so ella so mynda Føroyar anno 2008. Tað er Sjúrður Skaale, sum hevur lagt sendirøðina til rættis

19 ára gamli Andrew Neiman hevur ein dreym, sum hann fylgir við huga og sál: Hann vil verða ein av heimsins bestu jazz-trummusláarum. Hann gongur á prestisjufulla musikkkonservatoriinum og hevur ongar vinir, tí musikkurin og ambitiónirnar fylla alt í lívinum. Hann fær ein møguleika, sum er eindømi, tá tann mest virdi lærarin, sum øll óttast, Terence Fletcher, bjóðar honum at spæla við í orkestrinum. Tað verður ein dramatisk og rættiliga umbroytandi uppliving fyri báðar partar - øðrumegin tann strangi lærarin og hinumegin næmingurin, sum pressar alt, hann er mentur. Men er tað ómakin vert?

Leikarar: Andrew Neiman: Miles Teller, Terence Fletcher: J.J. Simmons og Jim Neiman: Paul Reiser.
Upprunah.: Whiplash
Framleiðsluár: 2014

Í 1892 livir hin ógifta Lizzie eitt keðiligt lív í Massachusetts undir strangu reglunum hjá pápa sínum. Men alt broytist, tá ið nýggja húsarhaldsfólkið Bridget verður sett. Tær gerast vinkonur, og vinalagið tekur seg upp at gerast eitt loyniligt kærleiksforhold, sum endar við at gerast miðdepilin í eini óndari og blóðugari ætlan.
Filmurin byggir á veruligu søguna um Lizzie Borden.

Upprunaheiti: Lizzie
Leikarar: Lizzie Borden: Chloë Sevigny. Bridget Sullivan: Kristen Stewart. Andrew Jennings: Jeff Perry
Framleiðsluár: 2018
Aldursmark: 15 ár