Skrá Sjón

Tann gátuføri dalurin.
Doodjiar eru úti og veiða gleffar, men enda í einum avbyrgdum dali. Har er okkurt farið heilt av lagi, tí har vaksa nakrar plantur, sum eta alt livandi, ið kemur framvið, eisini veiðumenninar. Enyo, Ito og Agaya finna út av, at planturnar eru samanbundnar í rótini og royna at finna og gera av við móðurplantuna og endurskapa javnvágina í dalinum og bjarga doodjiarum.

Tór Marni Weihe er cand.mag. í politiskari filosofi og russiskum máli og viðurskiftum og er ph.d. lesandi í føroyskum uttanríkis-, trygdar- og verjupolitikki á Søgu- og samfelagsdeildini á Fróðskaparsetrinum.
Tór Marni Weihe fer at greiða frá strategium, ið smátjóðir brúka fyri at fremja síni endamál í altjóða politikki.

Í sambandi við Altjóða dagin móti harðskapi móti kvinnum, sum er 25. november, hava vit verið í savninum og valt hesa sendingina, sum varpar ljós á eyðmýktar kvinnur, sum Kvinnuhúsið til dagliga arbeiðir við.
Nevan í andlitið, eitt slag í búkin ella kanska eitt skump oman í gjøgnum trappurnar. Tað er ofta ein partur av gerandisdegnum hjá kvinnum, sum enda í parlagi við einum harðligum manni. Sjálvt um harðskapur í móti kvinnum er nakað dult, sum ferð fram í tí privata, so eru fleiri ábendingar um, at tað er nógv vanligari, enn vit halda. Í sendingini hitta vit tvær kvinnur, sum hava ringar royndir av harðskapi. Onnur er uppvaksin við einum harðligum pápa, og hin livdi í meira enn 20 ár saman við einum manni, sum bukaði hana.
Í sendingini vitja vit eisini í Kvinnuhúsinum og práta við løgreglu og skaðastovu.
Sendingin "Ekkó um eyðmýktar kvinnur" er frá 2005.

Hvussu kennist tað at vaksa upp, uttan at líkjast nøkrum rundan um seg? Lene vaks upp sum svørt ættleidd í Danmark í sekstiárunum og kennir seg øðrvísi. Nú leitar hon eftir svarum upp á, hvør hon er, og hon møtir bæði pínu og gleði, tá hon leitar eftir familjuni og konfronterar tøgnina úr fortíðini.

Framleiðsluár: 2025
Framleitt fyri: TV 2 DANMARK

"Eg havi bráðfeingis tørv á hjálp. Eingin hevur ábyrgd av mær," skrivar 23 ára gamla Sarah í dagbók síni. Ikki langa tíð eftir tekur hon sítt egna lív mitt í eini tunglyndiskreppu. Hon er vilst í psykiatrisku skipanini, har hon innan stutta tíð møtir seks ymiskum viðgerðum og fær fýra ymiskar diagnosur. Nú royna tey, sum eftir eru, at skilja, hvat tað var, ið hendi.