Skrá Sjón

Nóa er sera fegin um at hava funnið Snæfall. Tí rýmir hann, tá ið IQ roynir at senda hann heim. Men hann endar tíverri í felluni hjá Aminu.

Nóa hittir øll í Snæfalli uttan Jólius, tí hann er farin at tosa við Vølvuna um ymsar stúranir. Vetur gerst óður inn á Lunu, tá ið hann varnast, at hon bæði lýgur og sníkir seg undan arbeiði.

Amina gerst firtin av Nóa. Honum leingist eftir mammu síni og skrivar henni eitt bræv, men ivast, um tað man koma fram. Luna fatar nú, at tað fær stórar avleiðingar, sum hon gjørdi við ynskibrøvini.

Jólagildið er í morgin, og tá man Jólius fara at koma. Luna er bangin, tí tá ið hann kemur aftur, má hon siga honum, hvat hon hevur gjørt. Ella er ein onnur loysn?

Nóa fer púra einsamallur út á køldu Heiðina. Hann skal finna Jólius.

Meðan Jólius er burtur, má Pílur gera hansara arbeiði. Tað gongur ikki so væl, sum hann hevði væntað.

Nóa og Amina stuttleika sær til kavaskógvarenningina, men Pílur er sera mótfallin ? hann dugir ikki so frægt sum at blása kúlur longur.

Nóa og Amina stuttleika sær til kavaskógvarenningina, men Pílur er sera mótfallin ? hann dugir ikki so frægt sum at blása kúlur longur.

Tá ið Nóa fær vøttirnar aftur, sum lógu í gullblómuakrinum, finnur hann okkurt óvæntað inni í teimum.

Ein bústovnur við umleið 60 ungum, sum vóru innløgd, og 250 starvsfólkum fór konkurs fyrr í ár.
Men eru mongu milliónirnar hjá kommunum í landinum brúktar á ábyrgdarfullan hátt og til tað besta fyri tey útsettu børnini? Eitt tipp sendir Morten Spiegelhauer á spori eftir fyrrverandi nevndarformanninum á bústovninum, tí ein serfrøðingur metir, at pengar eru sendir út úr konkursrakta bústovninum til fyritøkuna Ekkofonden, har sami nevndarformaður eisini er stjóri. Serfrøðingurin heldur, at bústovnurin hevur virkað sum ein pengamaskina. Ekkofonden noktar øllum ákærum.

Framleiðsluár: 2025
Framleiðsla: TV 2 DANMARK

Christian Matras (1900-1988) var bæði skald og málvísindamaður. Hann gav okkum fyrstu orðabókina á føroyskum longu í 1928, um somu tíð yrkti hann nakrar av perlunum í føroyskum skaldskapi. Men hvør var hesin skaldsligi og málsligi úrmælingurin, ið sjálvur onga undirvísing fekk í føroyskum í fólkaskúlanum? Í hesum fyrra partinum um Christian Matras frætta vit um barnaárini á Viðareiði, ungdóms- og lestrarár í Havn og Keypmannahavn, og fyrstu skaldaroyndirnar í tjúgu- og tretivuárunum. Hann hittir Marionnu, ið verður kona hansara, hann verður magistari við lærda háskúlan í Keypmannahavn, seinni doktari í málfrøði. Hann er nú á einum vegamóti, familja, arbeiði, bústaður og lívsdreymar skulu fáast at ganga upp.

Magni Laksáfoss hevur ph.d. í búskaparfrøði frá Roskilde Universitet og starvast sum búskapargreinari á Sjókovanum.
Magni Laksáfoss fer at greiða frá, hvar tað loysir seg best at fiska við línu.

Í Ymiskum Lívi hesa ferð hitta vit tveir menn, sum báðir eru fyrst í fimmtiárunum. Teir búgva og arbeiða í Havn, men har steðgar líkheitin eisini. Annar er viðurkendi rithøvundurin og skribenturin Carl Jóhan Jensen. Hann er ein maður, sum ikki ræðist at leggja seg út í almenna kjakið, og hann hevur fleiri ferðir fingið sinnið í fólk, m.a.við sínum sera bersøgnu ummælum. Hann eigur tveir tannáringar og býr saman við avstralsku konuni Kate. Hin maðurin í sendingini er 52 ára gamli Jóhan Davidsen. Hann hevur seinastu 16 árini arbeitt sum ruskmaður í Havn, og hansara dagur byrjar tíðliga á morgni, áðrenn flestu okkara hava fingið eygu. Hann er ógiftur og eigur eingi børn, so aftaná arbeiðstíð dámar honum væl at spasera runt í býnum og práta við fólk. Tað bókliga hevur ongantíð havt hansara stóra áhuga, so aftan á 7 ára skúlagongd var hann glaður at sleppa til arbeiðis.
Gjørt sendingina hava: Barbara Samuelsen, Hans Petur Hansen og Thomas Koba.

Jólaaftan er fult á gourmetmatstovuni á Ruths hotelli í Skagen. 95 gestir eru komnir at halda jól í friði og náðum. Hotellið hevur sína egnu uppskrift til tann friðarliga jólahugnan til tey vaksnu. Vanligi danski jólamaturin hevur fingið dám av franska køkinum.

Sesong: 1.
Partur: 4.
Framl.ár: 2018
Framl.: TV 2 Nord
Framl. fyri: TV 2 DANMARK