Skrá Sjón

Aftur í ár eru Julius og Rógvi til reiðar at halda jól. Rógvi er komin at vitja Julius, og hjálpa honum at bíða tí í dag ? jólaaftan ? er bara eftir at ...... bíða.
Og meðan vit bíða, og meðan teir bíða, og meðan øll bíða eftir, at jólini koma, so práta og hugna Julius og Rógvi sær og hyggja at teknifilmum. Teknifilmarnir, sum teir báðir fara at vísa eru um Labbaliðið, og um Grísa-Peppu úti í kavanum, um Pettson og Findus, sum fáa jólavitjan, um Mouk og Chavapa á ferð í Madagaskar og L fyri Lomb. Eisini hoyra vit jólaevangeliið, sum Birtir lesur.
Og so er bert eftir at siga gleðilig jól.

Ein dagur eftir til jóla. Nær Nóa at siga Jóliusi frá sínum jólaynski?

Tað verða eina gleðilig jól hjá øllum í Snæfalli og í Vu.

Birgitta og familjan eru farin í summarhús, og frá bóndanum fær hon ein fittan, lítlan kettling ? við ongum hala. Birgitta og Palli verða skjótt bestu vinir, men í illveðrinum dettur Palli í ánna, og fer rekandi avstað allan vegin inn í býin. Hann er so bangin og leingist illa eftir síni Birgittu, men so hittir hann Maju. Maja er ein blíð og týð ketta, sum tekur væl ímóti Palla og vísir honum runt í býnum. Har møta tey mongum øðrum kettum ? nakrar eru fittar, og nakrar ikki so fittar, serliga ikki Mons, sum er rættiliga ráðaríkur. Hóast Palli hevur tað gott saman við Maju og hinum kettunum, leingist honum framvegis heim ? og eftir Birgittu. Men um tað eydnast honum, fer filmurin at vísa okkum.

10. partur: Jól.
Spenningurin til jólatræið, jólgávur frá jólamanninum og nógv bomm.

Katrin Jacobæus, Katrin á Borg Johannesen og Árni Jóannesson syngja og spæla ymisk ljóðføri.

Tey flestu føroysku rækjuskipini royna undir Eysturgrønlandi um jólini. Zacharias Hammer var við "Gilstón" eini jól. Í sendingini fara vit at síggja, hvussu jólaaftan verður hildin umborð. Kokkurin stákast við jóladøgurðan, og trolið verður hálað á middegi. Øll manningin hevur frí frá klokkan seks seinnapartin til á midnátt.
Sólborg var ein av teimum seinastu bátunum yvir fyri jól. Teir høvdu jólapakkar við til hini føroysku skipini frá familju og sjómanskvinnuringunum í Føroyum.
Lagt til rættis: Zacharias Hammer.

Fleskasteik, brún feit sós og nýrur í brævbjálva. Tað er nakað, sum Tróndur og Kári fara at borðreiða við í Foytum greyðum hesa ferð. Eisini koma teir við góðum boðum, hvussu ein kann brúka matrestir frá jólunum til døgurða, triðja ella fjórða jóladag.

Vertir eru Tróndur Vatnhamar og Kári Sólstein. Jónfinn Stenberg hevur tikið upp og sett saman.

(It?s a Wonderful Life)
George Bailey er ein góður familjufaðir, sum altíð hevur hjálpt øðrum. Hann hevur eitt gott heim, eina fitta konu, góð børn og eina lítla fyritøku. George og virkið hjá honum eru tó ein forðing fyri stóra vinnulívsmanninum í býnum, og hesin roynir at knúsa George. Og tað tykist at eydnast. George er um at fara á heysin og ætlar sær at forgera sær, og tað eru enntá jól. Í seinastu løtu kemur verndareingilin Clarence, og spurningurin er so, um tað fer at eydnast at vissa George um, at hann skal sleppa sjálvmorðstankanum og venda heim til familjuna.
Leikarar: George Bailey: James Stewart, Mary Hatch: Donna Reed og Mr. Potter: Lionel Barrymore. Onkel Billy: Thomas Mitchell. Clarence: Henry Travers. Mrs. Bailey: Beulah Bondi. Ernie: Frank Faylen. Bert: Ward Bond.
Leikrit: Frances Goodrich, Albert Hackett og Frank Capra eftir søgu hjá Philip Van Doren Stern.
Leikstjórn: Frank Capra.

Bankamaðurin Ratchett (Johnny Depp) verður myrdur í Orientsnartokinum, og tá tokið er veðurfast í kavanum, sleppur løgreglan á staðnum ikki til. Men tíbetur er kendi detektivurin Hercule Poirot (Kenneth Branagh) við, og hann fer undir at fáa greiðu á brotsverkinum. Tað vísir seg tó skjótt at vera torført, tí øll í tokinum hava okkurt motiv til at vilja drepa Ratchett. Filmurin byggir á kendu krimiromanina hjá Agathu Christie.

Við eru: Hercule Poirot: Kenneth Branagh, Fru Hubbard: Michelle Pfeiffer og Ratchett: Johnny Depp.
Framl.ár:2017