Skrá Sjón

Øll gleða seg til jóla og fáa næstan ikki sovið av spenningi. Á einum radara sær Reiðar, at jólamaðurin og reindjórini hava kós móti Ævintýravík, men knappliga hvørva tey av skíggjanum. Løtu seinni ringir hjá Reiðari - tað er jólamaðurin! Hann rendi seg beint í eina kavaódn, og sleðan datt niður. Reindjórini eru rýmd, fleiri gávur eru burtur, men ringast av øllum er, at jólastjørnan fór í fallinum. Uttan jólastjørnuna ber ikki til at flúgva við sleðuni. Hesa ferð er brúk fyri øllum labbum. Jólmaðurin stúrir fyri, at hann ikki nær til øll við jólagávunum. Men við góðum kreftum sæst ein glotti.

Ein dagur eftir til jóla. Nær Nóa at siga Jóliusi frá sínum jólaynski?

Tað verða eina gleðilig jól hjá øllum í Snæfalli og í Vu.

Eydna Skaale lesur orð hjá Lukas evangelisti.
Tórfríð Tavsen syngur og Dánjal Tavsen spælir klaver.

Klassikarin "My Fair Lady" er ein flottur og litríkur, romantiskur skemtileikur um blomsturgentuna Elizu (Audrey Hepburn) við tí grova munninum. Eftir hálvt ár eru hon broytt til fínligastu og sjarmerandi kvinnu."My Fair Lady" er millum kendastu og best dámdu sangleikir, og hann hevur ikki vunnið færri enn átta Oscarheiðurslønir.
Leikarar: Henry Higgins: Rex Harrison, Eliza: Audrey Hepburn og Doolittle: Stanley Holloway.
Við eru eisini: Oberst Pickering: Wilfrid Hyde-White. Freddie: Jeremy Brett. Mrs. Higgins: Gladys Cooper. Zoltan Karpathy: Theodore Bikel.
Handrit: Alan Jay Lerner eftir sangleik eftir Alan Jau Lerner og Frederick Loewe, sum byggir á sjónleikin "Pygmalion" af George Bernard Shaw.
Leikstj.: George Cukor.
Upprunah.: My Fair Lady
Framl. ár: 1964

Vit eru á ferð í 2008 við einum 7 flokki úr Hoyvíkar Skúla, sum á vári 2007 vitjaði í Umanaq. Hesin fjarskotni grønlendski býurin liggur langt norðanfyri pólkringin. Har er lívið merkt av tætta tilknýtinum til náttúruna og føroyingarnir uppliva tann heilt serliga túrin á hundasletu tvørtur um grønlendsku ísoyðuna.
Ferðin í Grønlandi ristir seg fast í minnið hjá teimum ferðandi. Tey fara, saman við børnunum í Umanaq, at vitja jólamannin, sum býr undir Hjartafjallinum.

Sendingina gjørdu: Zacharias Hammer, Bjarnheðin í Hoyvík, Jonna Fritsdóttir Mortensen.

Í hesi sending hava tvey sjónvarpsfólk fylgt tónleikabólkinum Frændum í nakrar dagar - undir venjingini og fram til megnar framførsluma saman við Føroya Symfoniorkestri í Norðurlandahúsinum leygarkvøldið 30. oktober 1999.

Birgitta og familjan eru farin í summarhús, og frá bóndanum fær hon ein fittan, lítlan kettling ? við ongum hala. Birgitta og Palli verða skjótt bestu vinir, men í illveðrinum dettur Palli í ánna, og fer rekandi avstað allan vegin inn í býin. Hann er so bangin og leingist illa eftir síni Birgittu, men so hittir hann Maju. Maja er ein blíð og týð ketta, sum tekur væl ímóti Palla og vísir honum runt í býnum. Har møta tey mongum øðrum kettum ? nakrar eru fittar, og nakrar ikki so fittar, serliga ikki Mons, sum er rættiliga ráðaríkur. Hóast Palli hevur tað gott saman við Maju og hinum kettunum, leingist honum framvegis heim ? og eftir Birgittu. Men um tað eydnast honum, fer filmurin at vísa okkum.

Ávirkarin Pauli fer til Tjørnuvíkar at surfa og skapa content. Hann er í toppformi, men dagurin gongur ikki heilt sum ætlað.

Pauli deilir tips um sína morgunrutinu og lívið sum heild. Hann hittir agentin Hanus til eitt padelspæl, men samstarvið byrjar skjótt at knirka.

Pauli hittir tann vælumtókta influensaran Sølvu til eitt møguligt collab í Vælveru Fitness. Trupulleikar á heimafrontinum gera, at alt byrjar at detta sundur.

Pauli fer undir eitt samstarv við ein nýggjan agent og kastar seg út í enn eitt sponsorat. Men alt gongur ikki sum ætlað.

Tónleikabólkurin Aldubáran fylti 30 ár í heyst. Bólkurin, ið er mannaður við okkara bestu úrmælingum, valdi at spæla tónleik hjá blaðungum tónaskøldum á hátíðarhaldi í Hátún. Miðalaldurin á ungu tónaspírunum er undir 30 ár. - Heldur enn at leita aftur til fortíðina, so er framtíðin hjá føroyskum tónleiki í andgletti á hesi konsertini.

Síðst í 1960unum fór Ingolf Johannesen, 17-ára gamal, til skips við Reynsatindi. Við sær umborð hevði hann eitt filmsupptøkutól. Sendingin Reynsatindur lýsir lívið og arbeiðið umborð á línubátinum við snellu, línu og gørnum. 87 ára gamli Dánjal Petur Nielsen, skipari, greiðir frá fiskiskapinum í ymsu árstíðunum hesi árini. Upptøkurnar umborð eru frá árunum 1966-1970

Vit borðreiða við einum dygdargóðum og fjølbroyttum tyssi av sangsolistum, og í ár hava vit tvær duettir og eitt kór, sum fara at framføra. Solistar eru m.a. Guðrið Hansdóttir, og hava vit eisini eina faðir-dóttir duett við Ronny og Mariu. Tey fara at framføra tveir vakrar føroyskar jólasangir. Sámal Hanni Lognberg er nokk fyrsti skopuningur, ið luttekur á Jól við Løkin, ímeðan lokala og útgávuaktuella Hervør Sabina hevur verið við tvær ferðir áður. Í ár er tað Sophilia Wraae Mukisa, sum er unga stjørnuskotið.

Hans Poulsen er kappellmeistari, og við sær á pallin hevur hann topptjúnaðar tónleikarar, blásarar og kórsangarar.

Annað jólakvøld fara vit upp á gólv við Grindavísuni og Fípuni føgru. Róald Johannesen skipar Grindavísuna og Arnjohn Hvítklett skipar Fípuna føgru. Talan er um nýggjar upptøkur úr Sjónleikarhúsinum í Havn frá mai 2025, har 10 dansifeløg dansaðu og kvóðu saman.

Tann smædni Charles er at kalla gamal drongur, til hann í einum av brúdleypunum hjá vinfólkunum knappliga hittir dreymagentuna, amerikonsku Carrie. Men kærleikin er ikki so at flættast við, og tey bæði skulu í mangt brúdleypið og eina jarðarferð, áðrenn tey kunnu fáa hvørt annað.

Leikarar: Charles: Hugh Grant, Carrie: Andie MacDowell og Fiona: Kristin Scott Thomas.
Prestur: Rowan Atkinson.